ОБУ ҲАВО: имрӯз дар қаламрави Тоҷикистон ҳавои бебориш мешавад

ДУШАНБЕ, 12.04.2019. /АМИТ «Ховар»/. Имрӯз дар ҷумҳурӣ ҳавои тағйирёбандаи бебориш мешавад.   Дар ин бора аз Агентии обуҳавошиносии Тоҷикистон ба АМИТ «Ховар» хабар доданд.

Ба иттилои манбаъ, имрӯз дар Вилояти Мухтори Кӯҳистони Бадахшон ҳавои тағйирёбанда шуда, рӯзона бебориш мешавад. Ҳаво дар ғарби вилоят  шабона 4-9 ва  рӯзона 18-23  дараҷа гарм  мешавад. Дар шарқи вилоят  шабона   2-7 дараҷа сард шуда, рӯзона  7-12 дараҷа гарм мешавад.

Дар вилояти Суғд    ҳаво тағйирёбандаи бебориш мешавад.    Шамол аз самти ғарб  бо гузариш ба самти шарқ  бо суръати   3-8 ва  ноҳияҳои алоҳидаи кӯҳӣ бо шиддати то 12- 17 метр дар як сония мевазад. Ҳаво  дар водиҳо шабона 11-16  ва  рӯзона 23-28 дараҷа гарм  мешавад. Дар  ноҳияҳои кӯҳӣ ҳаво шабона 0-5   ва  рӯзона  13-18  дараҷа гарм мешавад.

Дар вилояти Хатлон  ҳавои тағйирёбандаи бебориш дар назар аст.  Ҳаво дар водиҳо шабона 11-16  ва рӯзона 25-30 дараҷа гарм мешавад.  Дар доманакӯҳҳо ҳаво шабона  7-12   ва   рӯзона 20-25 дараҷа гарм  мешавад.

Дар шаҳру ноҳияҳои тобеи марказ   ҳаво тағйирёбандаи бебориш мешавад.  Ҳаво  дар водиҳо шабона 9-14  ва рўзона 22-27 дараҷа гарм мешавад.  Дар  ноҳияҳои кўҳӣ ҳаво шабона 4-9  ва  рўзона 16-21  дараҷа гарм мешавад.

Ҳаво дар  шаҳри Душанбе  тағйирёбандаи бебориш мешавад.  Шамол аз самти ғарб  бо гузариш ба самти шарқ бо суръати 3-8  метр дар як сония мевазад.  Ҳаво  шабона 9-11  ва рӯзона 24-26  дараҷа гарм мешавад.