ОБУ ҲАВО: имрӯз дар ҷумҳурӣ борон борида, раъду барқ ба амал меояд

ДУШАНБЕ, 30.04.2019. /АМИТ «Ховар»/. Имрӯз дар ҷумҳурӣ ҳаво тағйирёбанда  шуда,  боридани борон ва ба амал омадани раъду барқ дар назар аст. Дар ин бора аз Агентии обуҳавошиносии Тоҷикистон ба АМИТ «Ховар» хабар доданд.

Ба иттилои манбаъ, имрӯз дар Вилояти Мухтори Кӯҳистони Бадахшон ҳавои абрнок шуда, дар баъзе ноҳияҳои ғарбии вилоят борони бошиддат меборад.  Дар  ноҳияҳои шарқии вилоят боридани борон ва барф  дар назар аст.  Ҳаво дар ғарби вилоят  шабона 3-8  ва  рӯзона 10-15  дараҷа гарм  мешавад. Дар шарқи вилоят  ҳаво   шабона  0-5 дараҷа сард шуда, рӯзона  4-9 дараҷа гарм мешавад.

Дар вилояти Суғд    ҳавои тағйирёбанда шуда, дар баъзе ноҳияҳо борон меборад.  Раъду  барқ ба амал меояд.  Боридани  жола  низ дар назар аст. Дар  баландиҳои зиёда аз 2 ҳазору 500 метр барф меборад. Шамол аз самти ғарб бо суръати 3-8  метр дар як сония  мевазад. Ҳаво  дар водиҳо шабона 11-16  ва рӯзона 19-24 дараҷа гарм  мешавад. Дар  ноҳияҳои кӯҳӣ  ҳаво шабона 3-8  ва  рӯзона  8-13  дараҷа гарм мешавад.

Дар вилояти Хатлон  ҳавои тағйирёбанда шуда, дар баъзе ноҳияҳо борон меборад. Дар   ноҳияҳои доманакӯҳӣ  борон бошиддат борида, раъду барқ ба амал меояд.  Боридани  жола низ дар назар аст. Дар  баъзе ноҳияҳои ҷанубии вилоят чангу ғубор ба амал меояд. Ҳаво дар водиҳо шабона 13-18 ва рӯзона 19-24 дараҷа гарм мешавад.  Дар доманакӯҳҳо ҳаво шабона 8-13  ва   рӯзона 11-16 дараҷа гарм  мешавад.

Дар шаҳру ноҳияҳои тобеи марказ ҳавои тағйирёбанда мешавад.  Дар  баъзе ноҳияҳои алоҳидаи кӯҳӣ  борон бошиддат борида, раъду барқ ба амал  меояд.  Дар  баландиҳои зиёда аз 2 ҳазору 500 метр барф меборад.  Боридани  жола низ дар назар дошта шудааст. Ҳаво  дар водиҳо шабона 10-15 ва рўзона 14-19  дараҷа гарм мешавад.  Дар  ноҳияҳои кўҳӣ ҳаво шабона 3-8 ва  рўзона 10-15  дараҷа гарм мешавад.

Ҳаво дар  шаҳри Душанбе тағйирёбанда мешавад. Дар  баъзе ҳолатҳо борон борида, раъду барқ ба амал меояд. Жола  меборад. Шамол аз самти ғарб бо суръати 3-8  метр дар як сония  мевазад.  Ҳаво  шабона 10-12 ва рӯзона 16-18   дараҷа гарм мешавад.