«ТОҶИКИСТОН – ВАТАНИ АЗИЗИ МАН!». Таҳти ин унвон миёни донишҷӯёне, ки дар хориҷи кишвар таҳсил мекунанд, озмун эълон гардид
ДУШАНБЕ, 11.04.2019 /АМИТ «Ховар»/. Маҳфили «Ҷавонони дар хориҷи кишвар таҳсилдошта»- и назди Кумитаи кор бо ҷавонон ва варзиши назди Ҳукумати Ҷумҳурии Тоҷикистон миёни донишҷӯёне, ки дар хориҷ аз кишвар таҳсили илм доранд, таҳти унвони «Тоҷикистон- Ватани азизи ман!» озмуни ҷумҳуриявии мақолаи беҳтарин эълон менамояд.
Дар ин бора ба АМИТ «Ховар» роҳбари маҳфили «Ҷавонони дар хориҷи кишвар таҳсилдошта»-и Кумитаи кор бо ҷавонон ва варзиш Каримҷон Салимзода хабар дод.
Озмуни мазкур дар доираи Солҳои рушди деҳот, сайёҳӣ ва ҳунарҳои мардумӣ роҳандозӣ шуда, мақсади он муаррифии имкониятҳои сайёҳӣ, дастоварду музаффариятҳо ва талқини худшиносиву худогоҳии ҷавонони дар хориҷи кишвар таҳсилдошта мебошад.
Бино ба иттилои манбаъ, мақолаҳои дар озмун пешниҳодшуда бояд фарогири дастоварду пешравиҳои соҳаҳои гуногуни замони соҳибистиқлолии кишвар, тасвири манзараҳои дилрабои Тоҷикистон, ватандӯстӣ, худшиносии миллӣ, эҳтиром ба арзишҳои ватандорӣ ва ифтихор аз обу хоки Тоҷикистон бошанд.
Қабули мақолаҳо то 15 июли соли 2019 муайян шудааст. Мақолаҳои пешниҳоднамудаи довталабон набояд аз 4 саҳифа камтар бошанд.
Ғолибони озмун дар доираи баргузории Анҷумани маҳфили «Ҷавонони дар хориҷи кишвар таҳсилдошта», ки ҳамасола 12 август доир мегардад, бо сипоснома ва туҳфаҳои хотиравӣ қадрдонӣ карда мешаванд.
Дар Осорхонаи миллии Тоҷикистон барои омӯзгорон сайри идонаи осорхонавӣ ташкил гардид
«НАМАКДОНИ МИЛЛАТ КАФИ ДАСТИ ӮСТ!». Таҳти чунин унвон китоби Давлат Сафар рӯнамоӣ гардид
ЗАБОН ВА 35 СОЛИ ИСТИҚЛОЛ. Бахшида ба Рӯзи забони давлатӣ конференсияи илмӣ-амалии ҷумҳуриявӣ доир шуд
Барои Сарвазири Тотористон ва ҳамроҳонаш сайри осорхонавӣ ташкил гардид
Вазирони корҳои дохилии ИДМ аз Осорхонаи миллии Тоҷикистон боздид намуданд
Ҳайати Донишкадаи давлатии фарҳанг ва санъати Тоҷикистон дар Фестивали байналмилалии донишҷӯёни ИДМ иштирок намуд
ҲАМДИЛӢ АЗ ҲАМЗАБОНӢ БЕҲТАР АСТ. Эҳдо ба Рӯзи бузургдошти Мавлоно Ҷалолиддини Балхӣ
Дар Осорхонаи миллии Тоҷикистон оид ба дастовардҳои Истиқлоли давлатӣ ҳамоиш доир гардид
Моҳи октябр дар Душанбе Бозиҳои XX Делфии ҷавонони кишварҳои аъзои ИДМ доир мегардад
Дар Душанбе Рӯзҳои кинои Эрон баргузор мегарданд
Дар Рим Намоишгоҳи байналмилалии «Тоҷикистон – кишвари ёдгориҳои нодир» ташкил карда мешавад
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
