Дар Бонки миллӣ ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастовардашуда доир гардид
ДУШАНБЕ, 08.05.2019/АМИТ «Ховар»/. Дар Бонки миллии Тоҷикистон ҷаласаи Комиссияи доимоамалкунандаи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом (МҚД/МТ/МПСҚО) баргузор гардид, ки дар он доир ба фаъолияти анҷомдодашуда дар самти МҚД/МТ/МПСҚО маълумот манзур гардид. Дар ин хусус ба АМИТ «Ховар» аз Бонки миллии Тоҷикистон иттилоъ доданд.
Зимни суханронии худ Ёрдамчии Президенти Ҷумҳурии Тоҷикистон оид ба масъалаҳои ҳуқуқӣ Зариф Ализода, ки ҳамзамон раиси Комиссияи доимоамалкунандаи байниидоравӣ оид ба МҚД/МТ/МПСҚО мебошад, саҳми Департаменти мониторинги молиявии назди Бонки миллии Тоҷикистонро ҷиҳати муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом назаррас арзёбӣ намуд. Инчунин ӯ таҳияи лоиҳаи «Нақшаи Ҷумҳурии Тоҷикистон оид ба рафъи камбудиҳои мутобиқати техникӣ ва баланд бардоштани самаранокии низоми муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом (МҚД/МТ/МПСҚО)» дар доираи Ҳисоботи баҳодиҳии тарафайни кишвар аз ҷониби Департаменти мониторинги молиявиро натиҷаи фаъолияти пурсамари ин ниҳод маънидод намуд.
Зикр шуд, ки яке аз самтҳои дигари ҳамкории судманд – тақвияти захираи зеҳнии кормандони мақомоти давлатӣ дар рушди минбаъдаи низоми миллии МҚД/МТ/МПСҚО маҳсуб меёбад. Вобаста ба ин, то айни замон ҳамчун натиҷаи ҳамкории мутақобилан судманд байни Бонки миллии Тоҷикистон ва мақомоти давлатӣ як қатор чорабиниҳои омӯзишӣ дар шакли муҳокима ва семинар дар мавзӯъҳои марбут ба самти мазкур баргузор гардидаанд.
Инчунин дар ҷаласа муовини раиси БМТ Ҳамидулло Машрабзода оид ба ҷараёни иҷрои «Нақшаи Ҷумҳурии Тоҷикистон оид ба рафъи камбудиҳои мутобиқати техникӣ ва баланд бардоштани самаранокии низоми муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом (МҚД/МТ/МПСҚО)» гузориш дод. Мавсуф аз кормандони Департаменти мониторинги молиявӣ даъват ба амал овард, ки минбаъд дар ин самт фаъолияти пурсамар ба роҳ монанд.
Гуфта шуд, ки Комиссияи доимоамалкунандаи байниидоравӣ оид ба МҚД/МТ/МПСҚО дар ҳамбастагӣ бо мақомоти марбутаи кишвар метавонанд ҳолатҳои марбут ба қонунигардонии даромадҳо ва маблағгузории терроризмро ошкор намуда, барои рушди минбаъдаи низоми миллии МҚД/МТ/МПСҚО такони ҷиддӣ бахшанд.
Ҳайати «Амонатбонк» дар ҷаласаи Шурои сарони бонкҳои аъзои Иттиҳоди байнибонкии СҲШ иштирок намуд
Дар Душанбе дурнамои ҳамкории Тоҷикистон ва Арманистон дар соҳаи нақлиёт баррасӣ гардид
Илҳомҷон Оймуҳаммадзода: «Пиряхҳо на танҳо массаҳои ях, балки бойгонии зиндаи геологӣ мебошанд»
Дар Тоҷикистон беш аз 225 ҳазор тонна хӯроки чорво захира шудааст
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
