Дар Душанбе ҳамкории гуногунҷанбаи Тоҷикистон ва Ветнам баррасӣ шуданд
ДУШАНБЕ, 14.05.2019. /АМИТ «Ховар»/. Дар шаҳри Душанбе масоили гуногуни ҳамкории Ҷумҳурии Тоҷикистон ва Ҷумҳурии Сотсиалистии Ветнам мавриди баррасӣ қарор дода шуданд.
Имрӯз вакили мардумӣ, раиси гурӯҳи дӯстии Маҷлиси намояндагон бо парлумони Ветнам Ҷамшед Саидзода бо муовини сардори Комиссия оид ба робитаҳои хориҷии Ҳизби коммунистии Ветнам Нгуен Туан Фон мулоқот анҷом дод. Дар ин бора котиби матбуотии Маҷлиси намояндагон Муҳаммадато Султонов ба мухбири АМИТ «Ховар» иттилоъ дод.
Зикр шуд, ки моҳи июли соли 1992 миёни Тоҷикистон ва Ветнам муносибатҳои дипломатӣ барқарор гардида, ҳарду мамлакат ҳамкории самараноки байнипарлумониро ба роҳ мондаанд.
«Ҷонибҳо аз ҳамкории гуногунҷанбаи байнидавлатӣ ёдовар шуда, иброз доштанд, ки миёни ду мамлакат дар самтҳои ташвиқ ва ҳимояи сармоягузорӣ, ҳамкории иқтисодӣ, илмиву техникӣ ва ғайра созишномаҳо ба имзо расидаанд», — илова намуд манбаъ.
Ёдовар мешавем, ки ба имзо расидани Созишнома оид ба ҳамкории тиҷоративу иқтисодӣ ба муносибатҳои иқтисодии ду мамлакат такони тоза бахшид. Ҳоло дар Тоҷикистон корхонаҳои муштараки Тоҷикистону Ветнам фаъолият намуда истодаанд. Маводи асосии содирот нахи пахтаву абрешим ва маводи воридотию молҳои истеъмолӣ ба ҳисоб мераванд.
Нишасти навбатии Гурӯҳи корӣ дар қолаби С5+Олмон баргузор гардид
Тоҷикистон аз созиши оташбас байни Исроил ва Эрон истиқбол менамояд
Сафири Тоҷикистон ба Президенти Малдив эътимоднома супорид
Дар Душанбе тақвияти ҳамкорӣ байни Тоҷикистон ва Қатар дар соҳаи иқтисоду тиҷорат баррасӣ шуд
Сироҷиддин Муҳриддин дар ҷаласаи вазирони корҳои хориҷии давлатҳои аъзои Созмони ҳамкории исломӣ иштирок намуд
Тоҷикистон зарбаҳои неруҳои ҳарбии ҳавоии Амрико ва Исроилро ба иншооти ҳастаии Эрон қатъиян маҳкум мекунад
Роҳбарони агентиҳои давлатии иттилоотии кишварҳои ИДМ дар Санкт-Петербург рушди ҳамкориро баррасӣ намуданд
Дар Душанбе Конфронси байналмилалӣ «Осиёи Марказӣ – меҳвари СҲШ: 25 соли ҳамкорӣ ба хотири рушди муштарак» доир гардид
Дар Корея аз иқдомҳои Тоҷикистон дар самти мубориза бо биёбоншавӣ ва хушкӣ ёдовар шуданд
Дар Душанбе машваратҳои сиёсӣ байни вазоратҳои корҳои хориҷии Тоҷикистон ва Венесуэла баргузор шуд
Байни давлатҳои Осиёи Марказӣ ва Чин Паймони ҳамсоягии абадӣ, дустӣ ва ҳамкорӣ ба имзо расид
Шараф Шерализода дар иҷлосияи 59-уми Шурои ҳуқуқи инсони СММ иштирок намуд
