«Дидори наслҳо» — мулоқоти собиқадорон бо ҷавонон аст, ки пагоҳ дар Душанбе баргузор мегардад

ДУШАНБЕ, 20.05.2019 /АМИТ «Ховар»/. Бахшида   ба Рӯзи ҷавонони Тоҷикистон пагоҳ, 21 майи  дар шаҳри Душанбе мулоқоти собиқадорони соҳаҳои гуногун бо ҷавонон таҳти унвони «Дидори наслҳо» баргузор мегардад.

Тавре аз  Кумитаи кор бо ҷавонон ва варзиши назди Ҳукумати Ҷумҳурии Тоҷикистон  ба АМИТ «Ховар» хабар доданд, ҳадаф аз роҳандозӣ намудани чунин мулоқот, омӯзиши сиёсати оқилонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон,  бедор намудани ҳисси ватандӯстӣ дар замири ҷавонон ва арҷ гузоштан ба хизматҳои шахсиятҳои бузурги таърихӣ  дар шукуфоии Тоҷикистон мебошад.

Дар мулоқоти мазкур собиқадорони хизмати давлатӣ ва шахсиятҳои барӯманди мамлакат иштирок намуда, вобаста ба дастовардҳои даврони соҳибистиқлолӣ, хизматҳои шоёни Пешвои миллат сухан мекунанд.  Ҳамчунин онҳо барои пешбурди ҷомеа  ба ҷавонон  маслиҳатҳои муфид  медиҳанд.