ФУТБОЛ: дастаи мунтахаби миллии Тоҷикистон моҳи июн омодагиро ба бозиҳои интихобии Чемпионати ҷаҳон оғоз мекунад
![](https://khovar.tj/wp-content/uploads/2019/05/4-1.jpg)
ДУШАНБЕ, 08.05.2019. /АМИТ «Ховар»/. Дастаи мунтахаби миллии Тоҷикистон оид ба футбол омодагии худро ба Чемпионати ҷаҳони соли 2022 аз моҳи июн шурӯъ мекунад. Тавре сомонаи расмии ФФТ хабар медиҳад, моҳи июн футболбозони тоҷик ду бозии рафиқона анҷом медиҳанд. Аввалан 7 июн дастаи мунтахаби мамлакат дар шаҳри Душанбе бо дастаи миллии Афғонистон ва баъдан баъди 4 рӯз дар Гуанҷжоуи Чин бо дастаи мунтахаби ин мамлакат, ки имсол ба даври чорякфинали бозиҳои финалии Чемпионати Осиё- 2019 баромад, қувва месанҷад.
Дастаи мунтахаби Тоҷикистон ҳамчунин дар доираи омодагӣ ба бозиҳои интихобии Ҷоми ҷаҳон-2022 дар Мусобиқаи байналмилалии «Inter-Continental Cup 2019», ки аз 7 то 18 июл дар шаҳри Бангалори Ҳиндустон баргузор хоҳад шуд, ширкат меварзад.
Дар бораи кадом мураббӣ дастаи мунтахаби солро ба бозиҳо омода мекунад, хабар дода нашудааст.