«ТАРЗИ ҲАЁТИ СОЛИМ – ИНТИХОБИ МО!». Таҳти ин шиор дар Хуҷанд мусобиқаҳои гуногуни варзишӣ баргузор гардиданд

Май 8, 2019 08:34

ДУШАНБЕ, 08.05.2019 /АМИТ «Ховар»/. Дирӯз дар Қасри варзиши шаҳри Хуҷанд дар асоси нақшаи чорабиниҳои якҷояи Вазорати корҳои дохилӣ, Ҳизби халқии демократии Тоҷикистон, Вазорати маориф ва илми Ҷумҳурии Тоҷикистон таҳти шиори «Тарзи ҳаёти солим – интихоби мо!» як зумра мусобиқаҳои гуногуни варзишӣ, аз қабили шашкаву шоҳмот, футболи хурд ва волейбол байни ҷавонону наврасони шаҳри Хуҷанд доир гардиданд.

Тавре ба мухбири АМИТ «Ховар» аз Вазорати корҳои дохилӣ хабар доданд, зимни мусобиқа сардори Хадамоти пешгирии ҳуқуқвайронкунӣ байни ноболиғон ва ҷавонони Вазорати корҳои дохилӣ, полковники милитсия Абдусаттор Фаттозода зикр намуд, ки роҳбарияти Вазорати корҳои дохилӣ барои ташвиқи бештари тарзи ҳаёти солим ва машғул шудан ба варзиш пайваста мусобиқаҳои варзишӣ ташкил менамояд ва онҳо дар сатҳи баланд доир карда мешаванд.

Дар ин мусобиқаҳо ҷавонон аз намудҳои гуногуни варзиш маҳорати баланд нишон дода, сазовори ҷойҳои баланд гардиданд. Ғолибони мусобиқаҳо аз номи Вазири корҳои дохилӣ Рамазон Раҳимзода бо Ифтихономаву Сипоснома қадрдонӣ гардиданд.

Зикр гардид, ки варзиш яке аз соҳаҳои муҳими мамлакат  маҳсуб ёфта, аз ҷониби Ҳукумати ҷумҳурӣ ҳамаҷониба дастгирӣ мегардад. Зеро машғул шудан ба варзиш ҷавононро аз ҳар гуна кирдорҳои ғайриқонунӣ дур месозад. Мақсад аз баргузории мусобиқаи мазкур мубориза бо ҷинояткорӣ, ҷалби ҷавонон ба тарзи ҳаёти солим ва донишомӯзиву хониши намунавӣ мебошад. Тавре шайх Бӯалӣ Сино фармудааст: «Камҳаракатӣ  на танҳо боиси бемориҳо мегардад, балки инсонро ба фикри бад ва роҳи бад мебарад…».

Май 8, 2019 08:34

Хабарҳои дигари ин бахш

Тоҷикистонро дар мусобиқаи «Ulaanbaatar Grand Slam-2025» оид ба гӯштини ҷудо 12 варзишгар муаррифӣ мекунад
Дар шаҳри Хуҷанд Мусобиқаи байналмилалӣ оид ба бокс байни калонсолон оғоз гардид
Сомон Турсунзода барандаи медали нуқраи Чемпионати Аврупо оид ба ҷудо байни наврасон гардид
Чемпионати Ассотсиатсияи волейболи Осиёи Марказӣ ҷамъбаст гардид
Дар Душанбе ҷаласаи Кумитаи футзали Федератсияи футболи Тоҷикистон баргузор гардид
Мусобиқаҳои варзишӣ оид ба футболи хурд ва шоҳмоту шашка байни кормандони вазорату идораҳо ҷамъбаст шуд
ФУТБОЛ. Мунтахаби Тоҷикистон «CAFA Nations Cup 2025»-ро бо бозӣ муқобили Малайзия оғоз менамояд
Дастаи Академияи футболи ФФТ дар Мусобиқаи «Ҷоми Қошғар» сазовори ҷои дуюм гардид
Дар Душанбе Чемпионати Ассотсиатсияи волейболи Осиёи Марказӣ (CAVA) оғоз гардид
Дастаи мунтахаби Тоҷикистон оид ба футбол дар Мусобиқаи «CAFA Nations Сup 2025» иштирок мекунад
Дар Душанбе Чемпионати Ассотсиатсияи волейболи Осиёи Марказӣ оид ба волейбол байни духтарони то 16-сола баргузор мегардад
Конфедератсияи футболи Осиё тақвими бозиҳои марҳилаи интихобии Ҷоми Осиё-2026 оид ба футзалро тасдиқ намуд