Вазири мудофиаи Россия Сергей Шойгу ба Тоҷикистон омад
ДУШАНБЕ, 28.05.2019 /АМИТ «Ховар»/. Вазири мудофиаи Федератсияи Россия Сергей Шойгу ба Душанбе ташриф овард. С. Шойгу имрӯз бо роҳбарияти Тоҷикистон доир ба масъалаҳои навсозии неруҳои ҷумҳурӣ ва фаъолияти пойгоҳи низомии 201-и Россия гуфтушунидҳо мегузаронад, иттилоъ медиҳад хабарнигори АМИТ «Ховар».
Интизор меравад, ки ин масъалаҳо зимни мулоқоти вазирони мудофиаи Тоҷикистону Россия Шералӣ Мирзо ва Сергей Шойгу баррасӣ гарданд.
Ҳамчунин, дар назар аст, ки Вазири мудофиаи Россияро Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қабул намоянд. Тавре ТАСС бо истинод ба Вазорати мудофиаи Россия хабар медиҳад, дар ҷараёни мулоқот «масъалаҳои навсозии артиши Тоҷикистон ва фаъолияти пойгоҳи низомии Россия, ки дар қаламрави Тоҷикистон мустақар аст, мавриди баррасӣ қарор хоҳанд гирифт».
«Мавзуъҳои асосии мулоқотҳо-масоили бо аслиҳаи нав муҷаҳҳаз гардонидани пойгоҳи низомии Россия, ки дар қаламрави Тоҷикистон мустақар аст, инчунин навсозии артиши Тоҷикистон мебошанд», — гуфт котиби матбуоти Вазорати мудофиаи ФР Россияна Марковская.
Ёдовар мешавем, ки пойгоҳи низомии 201-пойгоҳи бузургтарини Россия дар хориҷ аз кишвар аст. Он дар ду шаҳри Тоҷикистон-Душанбе ва Бохтар ҷойгир мебошад. Тибқи Созишномаи соли 2012 ба имзорасида ин пойгоҳ то соли 2042 дар Тоҷикистон хоҳад монд.
Тавре ТАСС менависад, қаблан Президенти Россия Владимир Путин ба Президенти Тоҷикистон Эмомалӣ Раҳмон «барои мусоидат ва кумак ба фаъолияти пойгоҳи низомии Россия» изҳори сипос намуд. Президенти Россия иброз дошт, ки ин омили муҳими суботу амният дар минтақа, бахусус дар Тоҷикистон мебошад.
ДАР АКС: Вазири мудофиаи Росия Сергей Шойгу. Акс аз бойгонӣ
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
Дар Бадахшон ҷаласаи сайёри Комиссияи байниидоравӣ оид ба муқовимат ба савдои одамон баргузор шуд
Дар вилояти Хатлон ҷаласаи Шурои амният баргузор шуд
Дар Душанбе иқдоми «Тасмаи бехатарӣ – муҳофизи шумо дар роҳ» гузаронида шуд
Имсол шаҳрвандони солҳои таваллуди 1999-2008 ба хизмати ҳарбӣ даъват карда мешаванд
ТАЪЛИМОТИ ҒАЙРИРАСМИИ ДИНӢ-ТАҲДИД БА ОЯНДАИ ҶОМЕА. Ва ё чаро ҳуқуқи кӯдакон ба таҳсили қонунӣ поймол мегардад?
