Абдулмуъмин Ал-Убайдӣ: «Шабакаи ТВ Ал-Маёдин» Тоҷикистонро ба кишварҳои арабӣ муаррифӣ менамояд»
ДУШАНБЕ, 15.06.2019 /АМИТ «Ховар»/. «Баргузории Саммити панҷуми сарони давлатҳои аъзои Машварати ҳамкорӣ ва тадбирҳои эътимод дар Осиё, ки имрӯз дар шаҳри Душанбе оғоз ёфт, барои кишварҳои арабӣ, хусусан Лубнон хеле муҳим аст»,- гуфт дар суҳбат ба хабарнигори АМИТ «Ховар» Марзия САИДЗОДА. Бояд гуфт, ки журналисти шабакаи телевизионии Лубнон -«Ал-Маёдин» Абдулмуъмин АЛ –УБАЙДӢ ҷиҳати инъкоси ин чорабинии муҳими сатҳи баланди байналмилалӣ дар радифи дигар намояндагони расонаҳои кишварҳои ҷаҳон ба Тоҷикистон омадааст.
Ал-Убайдӣ афзуд, ки баргузории Саммити Душанбе дар роҳи халли масъалаҳои муҳиме, ки кишварҳои қитъаи Осиё, аз ҷумла, Шарқи наздик рӯ ба рӯ мебошад ва тақвияти эътимоду садоқат дар қораи Осиё нақши муассир хоҳад гузошт. Зеро садоқату боварӣ метавонад мушкилоти ҷаҳон, бахусус Осиёро ҳал намуда, ҳамкории кишварҳоро рушду тақвият бахшад.
Дар мавриди равобиту ҳамкории судманди Тоҷикистон бо кишварҳои арабӣ, хусусан бо Лубнон рӯзноманигор афзуд, ки: «ҳамкории Тоҷикистон бо кишварҳои арабӣ дар шароити ҷаҳони муосир хеле муҳим аст. Зеро равобити Тоҷикистон бо кишварҳои арабӣ таърихи беш аз ҳазорсола дошта, онҳоро робитаҳои неки фарҳангӣ бо ҳам мепайванданд. Ман ба ҳайси рӯзноманигори шабакаи телевизиони «Ал Маёдин»-и Лубнон талош менамоям, ки тавассутти ин шабака на танҳо ҷараёни баргузории Саммити Душанбе, балки дастовардҳои чашмраси сарзамини зебои тоҷиконро, ки дорои захираҳои бои табиию сайёҳист ва воқеан ҳам табиати нодиру назаррабо дорад, инъикос намуда, онро ба мардуми кишварам муаррифӣ намоям».
«Бигузор дар Лубнон ва дигар кишварҳои арабӣ мардум бидонанд, ки Ҷумҳурии Тоҷикистон ба ҳайси кишвари мустақил ва дар ҳоли рушд тавонистааст, ки чунин чорабинии муҳими байналмилалиро дар сатҳи олӣ баргузор намояд. Кишварҳои арабӣ ба Тоҷикистон самимияти бузург дошта, ҷонибдори ташаббусҳои Ҷумҳурии Тоҷикистон мебошанд. Сарзамини Шумо метавонад ба яке аз муҳимтарин кишварҳои сайёҳии ҷаҳон табдил ёбад. Ман аминам, ки баргузории ҳамоиши мазкур низ ба ин раванд такони ҷиддӣ мебахшад», -афзуд журналисти лубнонӣ.
35 тавсифи пурарзиши Президенти Тоҷикистон дар ситоиши Истиқлолияти давлатӣ
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
