Дар Душанбе Ҷаласаи навбатии Кумитаи намояндагони аршади кишварҳои аъзои Машварати ҳамкорӣ ва тадбирҳои боварӣ дар Осиё ба кор оғоз намуд
ДУШАНБЕ, 13.06.2019. /АМИТ «Ховар»/. Имрӯз дар шаҳри Душанбе Ҷаласаи навбатии Кумитаи намояндагони аршади кишварҳои аъзои Машварати ҳамкорӣ ва тадбирҳои боварӣ дар Осиё (МҲТБО) ба кори худ оғоз намуд.
Тавре мухбири АМИТ «Ховар» Ибодат ДАВЛАТЗОДА хабар медиҳад, дар ин нишаст намояндагони 27 кишвари аъзои Машварат иштирок намуданд.
Ҳадаф аз ҳамоиши мазкур мувофиқа ва ниҳоисозии лоиҳаи Эъломияи Саммити 5-уми Машварат, ки 15 июни соли равон дар шаҳри Душанбе ба нақша гирифта шудааст, мебошад.
Директори иҷроияи котиботи Машварати ҳамкорӣ ва тадбирҳои боварӣ дар Осиё Ҳабибулло Мирзозода зимни суҳбат зикр намуд, ки дар ҷаласаи имрӯза аз ҷониби коршиносони кишварҳои аъзо ҳуҷҷати асосие, ки барои Саммити Душанбе бояд пешниҳод гардад, мавриди баррасӣ ва таҳлил қарор мегирад. Коршиносон дар ин ҷаласа дар атрофи маъалаҳои мубрами минтақа, ки бояд дар ин ҳуҷҷат инъикос гарданд, табодули афкор менамоянд.
Номбурда ҳамчунин иброз дошт, ки имрӯз дар асоси мувофиқаи ин кишварҳо ин ҳуҷҷат бояд то охири рӯз омода гардад. Ин ҳуҷҷат барои баррасӣ ба иҷлоси сарони кишварҳои узви Машварати ҳамкорӣ ва тадбирҳои боварӣ дар Осиё, ки таҳти раёсати Ҷумҳурии Тоҷикистон 15 июни соли равон дар Душанбе баргузор мегардад, манзур мегардад.
Лозим ба ёдоварист, ки Ҷумҳурии Тоҷикистон дар давоми солҳои 2018-2020 раисии Машварати ҳамкорӣ ва тадбирҳои боварӣ дар Осиёро ба уҳда дорад. Саммити МҲТБО чорабинии муҳими Машварат маҳсуб ёфта, зимни он роҳбарони кишварҳои аъзо фаъолияти онро мавриди бозтоб ва арзёбӣ қарор дода, масъалаҳои ҷориро муҳокима ва уфуқҳои нави ҳамкориро муайян хоҳанд кард.
Раёсати Ҷумҳурии Тоҷикистон дар ин ниҳоди бонуфузи байналмилалӣ таҳти шиори «Бо назари нек ба сӯи амният ва шукуфоии бештари минтақаи МҲТБО» доир мегардад.
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
Пешвои миллат: ««Чаҳорчӯби Душанбе барои об» муҳаррики пешбурди Рӯзномаи ҷаҳонии об пас аз соли 2030 хоҳад шуд»
Президенти Тоҷикистон: «Талаботи ҷаҳон ба оби ошомиданӣ то соли 2050 ҳадди ақалл 25 фоиз зиёд мешавад»
РАВАНДИ ОБИ ДУШАНБЕ. Ба Конфронси чоруми оби Душанбе беш аз 150 волонтёри ҷавон ҷалб гардидааст
ТАЪРИХ ГУВОҲ АСТ… Эҳдо ба 35-солагии Истиқлоли давлатии Ҷумҳурии Тоҷикистон
Стратегияи рушди соҳаи алоқа, барномаҳои давлатӣ ва омодагӣ ба 35-солагии Истиқлоли давлатӣ дар маҷлиси Ҳукумат баррасӣ гардид
Президенти Тоҷикистон аз афзоиши тӯфонҳои чанголуд дар минтақаи Осиёи Марказӣ изҳори нигаронӣ намуданд
ТАШАББУСҲОИ МОНДАГОРИ ПЕШВОИ МИЛЛАТ ДАР ШИНОХТ ВА МУАРРИФИИ ТАЪРИХУ ТАМАДДУНИ ОРИЁӢ
Меҳрномаи як ҳамзабон ба Пешвои тоҷикони ҷаҳон Эмомалӣ Раҳмон
ПАРЧАМИ НАНГУ НОМИ МО. Аз барафрохтани Парчами давлатии Тоҷикистон дар шаҳри Душанбе 14 сол сипарӣ гардид
