Дар шаҳри Гулистон мулоқоти минтақавии коршиносон дар масъалаҳои саломатии борварӣ ва тарзи ҳаёти солим баргузор гардид

ДУШАНБЕ, 21.06.2019 /АМИТ «Ховар»/. Бо ташаббуси Комиссияи миллии Ҷумҳурии Тоҷикистон оид ба корҳои ЮНЕСКО дар ҳамкорӣ бо Вазорати маориф ва илми Ҷумҳурии Тоҷикистон, Дафтари минтақавии ЮНЕСКО дар Алмаато 11-12 июни соли равон  дар шаҳри Гулистон мулоқоти минтақавии коршиносон дар масъалаҳои саломатии борварӣ ва тарзи ҳаёти солим миёни ҷавонони мактабхон дар кишварҳои Осиёи Марказӣ ва Аврупои Шарқӣ доир гардид.

Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, дар чорабинии мазкур коршиносони созмонҳои  байналмилалӣ ва намояндагони 11 кишвар иштирок намуда,  ҷиҳати дуруст ба роҳ мондани раванди таълим дар мавзӯи саломатии борварӣ ва тарзи ҳаёти солим мубодилаи афкор намуданд.

Дар мулоқот масъалаҳои ташаккули муносибати солими байниҳмадигарӣ, нигоҳ доштани саломатии ҷинсӣ ва борварӣ, пешгирии ВНМО  ва пешгирии табъизи одамони гирифтори ВНМО мавриди баррасӣ қарор гирифтанд.