ЭҲТИЁТ — НИМИ ҲАЁТ! Ҳушдори Кумитаи ҳолатҳои фавқулодда ва мудофиаи гражданӣ доир ба боришоти зиёди рӯзҳои охир

Июнь 3, 2019 10:15

ДУШАНБЕ, 03.06.2019. /АМИТ «Ховар»/. Боду ҳавои номусоид ва боришоти зиёди рӯзҳои охир дар ҳудуди як қатор шаҳру ноҳияҳои мамлакат боиси омадани сел гардид.  Аз  ҷумла, 1 июни соли 2019, дар натиҷаи боришоти шадид,  дар деҳаи Оби шифои ҷамоати деҳоти Чоргултеппа аз самти ҷамоати деҳоти Лоҳури ноҳияи Рӯдакӣ сел омада, ба дохили  таҳхонаи 8 хонаи истиқоматӣ ва 70 майдончаи наздиҳавлигии шаҳрвандон даромадааст.Хушбахтона,  дар ин рӯз ҳисороти ҷонӣ ба қайд гирифта нашудааст. 

Тавре аз Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон  ба АМИТ «Ховар» хабар доданд,  2 июни соли  равон дар деҳаи Меҳнатободи ҷамоати деҳоти Қизилқалъаи ноҳияи Хуросон, вилояти Хатлон аз селобаҳо 18 адад замини наздиҳавлигӣ, 1 бинои ёрирасон ва 1 кӯпрук қисман, ки деҳаро бо шоҳроҳи Бохтар-Душанбе мепайваст, зарар диданд. Мутаассифона, дар натиҷаи ин ҳодиса  сокини 18-солаи маҳаллӣ ба ҳалокат расид.

Ба иттилои манбаъ, барои ташкили кор дар бартарафсозии офати табиӣ гурӯҳи корӣ таҳти роҳбарии муовини якуми раиси Кумитаи ҳолатҳои фавқулодда ва мудофиаи гражданӣ Рустам Шоҳиён ба ҷойи ҳодиса сафарбар шуд.

«Ҳоло  дар макони офати табиӣ корҳои барқарорсозӣ идома дошта, дар ҷойи ҳодисаҳо барои муайян намудани зарар комиссияҳои фавқулоддаи ноҳиявӣ кор карда истодааст», — илова намуд манбаъ.

Тавре аз  Агентии обуҳавошиносии Тоҷикистон ба АМИТ «Ховар» хабар доданд, имрӯз дар ҷумҳурӣ ҳаво ноустувор боқӣ мемонад. Дар  мамлакат боридани  борону жола ва эҳтимоли ба амал омадани раъду барқ пешбинӣ мешавад. Дар баъзе ҷойҳо боридани  бошиддати борон  дар назар дошта шудаааст.Табиист, ки боло рафтани сатҳи оби дарёҳо ба вуҷуд меояд.

Дар ин робита, Кумитаи ҳолатҳои фавқулодда ва мудофиаи гражданӣ  ба сокинону меҳмонони ҷумҳурӣ муроҷиат намуда, хоҳиш  кардааст, ки  дар ин рӯзҳои боронӣ  бештар эҳтиёткор бошанд ва чораҳои амниятиро риоя намоянд.  Аз сафар ба кӯҳҳо, ҷамъоварии ҳезум  ва дигар амалҳое, ки дар маҳалҳои кӯҳӣ мегузаранд, худдорӣ намоянд.

«Беҳуда дар урфият нагуфтаанд, ки «Эҳтиёт –ними ҳаёт!», Ҳангоми рафтан ба манотиқи кӯҳӣ талош кунед бо худ телефони мобилӣ дошта бошед. Ба кӯдакон бештар таваҷҷуҳ намоед, онҳоро ҳаргиз беназорат нагузоред. Бахусус, нагузоред, ки бе раҳнамоии калонсолон ба кӯҳу пушта раванд», -омадааст дар муроҷиати Кумита.

Бо мақсади таъмини амнияту бехтарӣ КҲФ ва МГ аз масъулин ва сокинони ҷумҳурӣ  хоҳиш  кардааст, ки  ҷӯйбору каналҳоро ҳамеша аз хасу хошок ва дигар партов  пок нигоҳ доранд, то садди роҳи оби гузар нашаванд.

Июнь 3, 2019 10:15

Хабарҳои дигари ин бахш

Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд