«ГАРМИҲО ПАС АЗ САРДИҲО МЕОЯНД…». Сафири Тоҷикистон дар Эрон роҷеъ ба сафари қарибулвуқӯи Президенти ҶИЭ ба Душанбе
ДУШАНБЕ, 14.06.2019. /АМИТ «Ховар»/. Сафири Фавқулода ва Мухтори Ҷумҳурии Тоҷикистон дар Ҷумҳурии Исломии Эрон Низомиддин Зоҳидӣ сафари қарибулвуқӯи президенти ҶИЭ Ҳасани Рӯҳониро ба Душанбе сафҳае нав ва гармибахш дар муносиботи миёни ду кишвар донист, навиштааст 12 июни соли 2019 хабаргузории «ParsToday».
Хабаргузорӣ бо истинод ба гузориши радиои тоҷикии «Садои Хуросон» иттилоъ додааст, ки Низомиддин Зоҳидӣ пеш аз зӯҳри чаҳоршанбе, 12 июн, дар нишасти хабарӣ дар остонаи баргузории панҷумин Ҳамоиши сарони кишварҳои узви конфронси Таомул ва эътимодсозӣ дар Осиё (СИКО) гуфт, ин иҷлос рӯзҳои 14 ва 15 –уми июн дар Душанбе, пойтахти Тоҷикистон ва бо ҳузури роҳбарони 15 кишвари узв баргузор мешавад ва Ҳасани Рӯҳонӣ, президенти Ҷумҳурии Исломии Эрон ҳам дар он ширкат мекунад.
Зоҳидӣ дар бораи таъсири сафари Ҳасани Рӯҳонӣ ба Тоҷикистон дар тавсеаи равобити дуҷонибаи Теҳрон ва Душанбе гуфт: «Эътимоди комил дорем, ки сафари оқои Рӯҳонӣ ба Тоҷикистон метавонад сафҳае нав ва гармибахш дар муносиботи ду кишвар боз кунад. Гармиҳо баъд аз сардиҳо меоянд ва ду тараф тасмим гирифтаанд сардиҳоро рафъ ва дар муносиботи дуҷониба марҳалаи ҷадид оғоз намоянд».
«ParsToday» дар идома навиштааст, ки сафири Тоҷикистон, ки ба тозагӣ фаъолияти худро дар Теҳрон оғоз кардааст, авлавияти кории худро тавсеаи бештари ҳамкориҳои ду кишвар унвон кард ва гуфт: «Ҳамкориҳои иқтисодӣ миёни ду кишвар ҳамакунун низ идома доранд ва бисёре аз ширкатҳои эронӣ дар эҳдоси нерӯгоҳҳои энержӣ дар Тоҷикистон ҳузур доранд. Илова бар ин дар назар дорем равобити фарҳангӣ миёни ду кишвар, ки таърихӣ аст, дар сатҳи шаъни ду кишвар иртиқо ёбад”.
Дипломати тоҷик бо ишора ба ҳамкориҳои ду кишвар дар самти сайёҳӣ изҳор дошт: «Солҳои 2019 -2021 аз ҷониби Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон солҳои рушди деҳот, сайёҳӣ ва ҳунарҳои мардумӣ эълом шудаанд ва дар ин чорчӯб метавон бо ширкатҳои саайёҳии эронӣ равобити хубе барқарор намуд».
Дар Душанбе машваратҳои Тоҷикистон ва Русия дар масоили муқовимат ба таҳдиду хатарҳо баргузор шуд
Намояндаи Тоҷикистон дар вохӯрии Гурӯҳи 77 ва Чин иштирок намуд
Намояндаи Тоҷикистон брифинги ғайрирасмии Хазинаи нуфуси Созмони Милали Муттаҳидро раисӣ намуд
Сафири Тоҷикистон бо роҳбари бахши ҳамкории иқтисодӣ ва рушди Котиботи давлатии корҳои иқтисодии Швейтсария мулоқот намуд
Сафири Тоҷикистон бо муовини Раиси Девони Вазирони Туркманистон оид ба тиҷорат, саноати нассоҷӣ ва соҳибкорӣ мулоқот намуд
Намояндаи доимии Тоҷикистон дар нишасти пленарии Маҷмаи Умумии Созмони Милали Муттаҳид иштирок намуд
Сафари давлатии Президенти Ҷумҳурии Исломии Эрон дар Ҷумҳурии Тоҷикистон анҷом ёфт
Мулоқоти Сафири Тоҷикистон бо роҳбарияти Маркази имдод ва корҳои башардӯстонаи Шоҳ Салмон
Президенти Ҷумҳурии Исломии Эрон Масъуд Пизишкиён бо Сарвазири Ҷумҳурии Тоҷикистон Қоҳир Расулзода мулоқот намуданд
Президенти Ҷумҳурии Исломии Эрон Масъуд Пизишкиён дар пояи муҷассамаи Исмоили Сомонӣ гулчанбар гузошт
Имрӯз Президенти Ҷумҳурии Исломии Эрон Масъуд Пизишкиён бо сафари давлатӣ ба Ҷумҳурии Тоҷикистон ташриф меорад
Сафири Тоҷикистон дар Ҷумҳурии Корея дар вохӯрии 7-уми дӯстони Бунёди рушди сабз иштирок намуд
