Вакили Маҷлиси намояндагон Қиёмиддин Миралиён Ҳамоҳангсози Ассамблеияи ҷавонони байнипарламентии давлатҳои аъзои ИДМ интихоб гардид
ДУШАНБЕ, 01.06.2019 /АМИТ «Ховар»/. Вакили Маҷлиси намояндагони Маҷлиси Олии Ҷумҳурии Тоҷикистон Қиёмиддин Миралиён бо ҳамовозии кулли намояндагони ҷавони парламентҳои кишварҳои узви Иттиҳоди Давлатҳои Мустақил Ҳамоҳангсози Ассамблеияи ҷавонони байнипарламентии давлатҳои аъзои ИДМ интихоб гардид.
Дар ин бора Котиби матбуотии палатаи поёнии Парлумони Тоҷикистон Муҳаммадато Султонов ба мухбири АМИТ «Ховар» иттилоъ дод.
Ба иттилои манбаъ, 31 майи соли равон зимни ҷаласаи навбатии Ассамблеияи ҷавонони байнипарламентии давлатҳои аъзои ИДМ дар шаҳри Қазон Қиёмиддин Миралиён ба ин вазифа интихоб гардида, ба ҳамин минвол роҳбарии ниҳоди мазкур аз Федератсияи Россия ба Ҷумҳурии Тоҷикистон гузашт.
Бояд гуфт, ки Ассамблеияи ҷавонони байнипарламентии давлатҳои аъзои ИДМ яке аз воҳидҳои сохтории Ассамблеияи байнипарламентии давлатҳои аъзои ИДМ буда, аз ҳисоби вакилони ҷавони давлатҳои аъзои ин иттиҳод ташкил ёфтааст. Ассамблеияи мазкур аз соли 2012 инҷониб масъалаҳои мубрами ҳаёти ҷавононро, аз ҷумла ҳифз ва рушди манфиатҳои қонунии онҳоро баррасӣ ва дар ин замина қарорҳои дахлдор қабул менамояд.
«Ҳамоҳангсози қаблии Ассамблеияи ҷавонон – вакил, узви Шӯрои Федреалии Маҷлиси Федералии (сенати) Россия Лебедева Т. Р. иброз намуд, Қиёмиддин Миралиён аз соли 2015 инҷониб ҳайати намояндагони ҷавони Тоҷикистонро дар Ассамблеияи ҷавонони байнипарламентии давлатҳои аъзои ИДМ роҳбарӣ намуда, дар таҳия ва қабули чанде аз қонунҳои моделӣ ташаббускор мебошад. Аз ҷумла ӯ муаллифи «Тавсияҳо оид ба ташкил ва рушди парламенти ҷавонон дар кишварҳои аъзои ИДМ» мебошад», — афзуд манбаъ.
Шермуҳаммад Шоҳиён дар ҷаласаи навбатии Кумитаи доимии умури сиёсии Ассамблеяи парлумонии Осиё иштирок намуд
Вакилони тоҷик дар конфронси байналмилалӣ оид ҳамкории байнипарламентии кишварҳои ИДМ иштирок намуданд
Ориф Амирзода муовини раиси Шурои коршиносон оид ба экология ва истифодаи табиат дар назди Ассамблеяи байнипарламентии ИДМ интихоб шуд
Дар иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон ба якчанд қонун тағйиру илова ворид карда шуд
Файзалӣ Идизода бо Раиси Маҷлиси Бузурги Миллии Ҷумҳурии Туркия Нумон Куртулмуш мулоқот намуд
Раиси Маҷлиси миллии Маҷлиси Олӣ Рустами Эмомалӣ бо Раиси Маҷлиси Бузурги Миллии Туркия Нуман Куртулмуш дар ҳузури ҳайатҳои парламентҳо мулоқот анҷом доданд
Раиси Маҷлиси миллии Маҷлиси Олии Тоҷикистон Рустами Эмомалӣ бо Раиси Маҷлиси Бузурги Миллии Туркия Нуман Куртулмуш мулоқот намуданд
Раиси Маҷлиси Бузурги Миллии Туркия дар пояи муҷассамаи Исмоили Сомонӣ гулчанбар гузошт
Раиси Маҷлиси бузурги миллии Туркия Нуман Куртулмуш бо сафари расмӣ ба Тоҷикистон ташриф овард
Иҷлосияи чоруми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
15 декабр ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор мегардад
Ҷаласаи якуми Комиссия байни Маҷлиси миллии Маҷлиси Олии Тоҷикистон ва Маҷлиси умумичинии намояндагони халқии Чин доир гардид
