17 июл Вазорати нақлиёт, Хадамоти зиддиинҳисорӣ, Саридораи геология, Палатаи савдо ва саноат нишасти матбуотӣ баргузор менамоянд

ДУШАНБЕ, 16.07.2019 /АМИТ «Ховар»/. Пагоҳ, 17 июл оид ба ҷамъбасти шашмоҳаи аввали соли 2019 нишастҳои матбуотии  Вазорати нақлиёти Ҷумҳурии Тоҷикистон, Корхонаи воҳиди давлатии «Роҳи оҳани Тоҷикистон», Хадамоти зиддиинҳисории назди Ҳукумати Ҷумҳурии Тоҷикистон, Саридораи геологияи назди Ҳукумати Ҷумҳурии Тоҷикистон, Палатаи савдо ва саноати Ҷумҳурии Тоҷикистон баргузор мешаванд.

Нишасти матбуотии Вазорати нақлиёт дар якҷоягӣ бо Корхонаи воҳиди давлатии «Роҳи оҳани Тоҷикистон» соати 09:00 дар Вазорати нақлиёт баргузор мешавад.

Нишасти матбуотии Саридораи геология соати 09:00 дар маҷлисгоҳи Саридораи геология доир мегардад.

Роҳбарияти Хадамоти зиддиинҳисорӣ соати 11:00 дар Хадамоти мазкур бо намояндагони воситаҳои ахбори омма нишаст мегузаронанд.

Нишасти матбуотии Палатаи савдо ва саноат соати 14:00 дар Маркази матбуоти ҷумҳуриявии АМИТ «Ховар» доир мегардад.

Хотиррасон мекунем, ки тибқи нақшаи Дастгоҳи иҷроияи Президенти Ҷумҳурии Тоҷикистон, масъулини вазорату идораҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, вақти баргузории нишастҳои матбуотиро бо АМИТ «Ховар» ҷиҳати дар толори Маркази матбуоти ҷумҳуриявӣ  (хиёбони Рӯдакӣ, 40, ошёнаи 2, телефонҳои 221-34-24, 888-08-34-04) гузаронидани онҳо мувофиқа мекунанд.

Эълонҳо оид ба вақт ва макони баргузоршавии нишастҳои матбуотии вазорату идораҳо ва ташкилоту муассисаҳо ҳар рӯзи корӣ дар сомонаи АМИТ «Ховар» www.khovar.tj  ба забонҳои тоҷикӣ ва русӣ нашр карда мешаванд.