Фаррух Ҳамрализода: «Дар Тоҷикистон ҳоло 70 лоиҳаи сармоягузории давлатӣ мавриди татбиқ қарор доранд»

Июль 31, 2019 17:10

ДУШАНБЕ, 31.07.2019/АМИТ «Ховар»/. Дар Ҷумҳурии Тоҷикистон алҳол 70 лоиҳаи сармоягузории давлатӣ  амалӣ гардида истодаанд, ки маблағи умумии онҳо беш аз 31 миллиард сомониро ташкил медиҳанд. Раиси Кумитаи давлатии сармоягузорӣ ва идораи амволи давлатии Ҷумҳурии  Тоҷикистон Фаррух Ҳамрализода дар ҷараёни нишасти матбуотӣ 31 июл дар Душанбе  ба намояндагони расонаҳои хабарӣ  гуфт, ки дар доираи лоиҳаҳои амалкунанда то 1 июли соли равон беш аз 15 миллиард сомонӣ аз худ карда шудааст. Ин омор қариб 50 фоизи маблағи умумии лоиҳаҳои  татбиқшавандаро ташкил медиҳад. 

Фаррух Ҳамрализода афзуд, ки раванди ислоҳот ва тадбирҳои андешидашуда ҷиҳати ҷалби сармоя ба иқтисодиёти миллии мамлакат дар ин давра имкон дод, ки 5 созишномаи сармоягузорӣ ба имзо расонида шуда, 3 созишномаи дигар таҳия шуда,  барои баррасӣ ба вазорату идораҳои марбута пешниҳод гардид.

Дар маҷмӯъ  дар доираи созишномаҳои сармоягузорӣ интизор меравад, ки 7 корхонаи нави истеҳсолӣ дар мамлакат бунёд ва барои амалигардонии онҳо қариб 200 миллион доллар сармояи ватанию хориҷӣ ҷалб карда шавад.

Ҳамзамон зикр гардид,  ки алҳол Кумитаи давлатии сармоягузорӣ ва идораи амволи давлатии  Ҷумҳурии Тоҷикистон  барои амалигардонии лоиҳаҳои сармоягузорӣ корбариро идома дода истодааст. Дар мавриди мувофиқа ва тасдиқ гардидани онҳо боз 100 миллион доллар сармояи хориҷӣ солҳои оянда ба иқтисоди миллӣ  ҷалб карда хоҳад шуд.

Таъкид гардид, ки бо мақсади муаррифии молу маҳсулот, пайдо намудани шарикони тиҷоратӣ ва сармоягузорони хориҷӣ дар доираи нақшаи 300 рӯзи ислоҳот портали интерактивии соҳибкор бо соҳибкор (B2B)  www.b2b.tj ташкил карда шуд.

Инчунин бо мақсади баланд бардоштани малакаи касбии соҳибкорон, дастгирии ташаббусҳои соҳибкорони навтаъсис ва ҷавонон, ҳавасмандгардонии истеҳсолкунандагон, содироткунандагон ва ҷорӣ намудани усулҳои нави пешбурди соҳибкорӣ, ҷиҳати ташкил ва роҳандозӣ намудани фаъолияти муассисаи давлатии «Ташаккул ва рушди соҳибкорӣ дар Тоҷикистон» ва марказҳои хизматрасонии он дар шаҳрҳои Душанбе, Бохтар, Кӯлоб, Хуҷанд ва Хоруғ тадбирҳои зарурӣ ба анҷом расонида шудаанд.

 

Июль 31, 2019 17:10

Хабарҳои дигари ин бахш

Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад
«ТОҶИКИСТОН-2024». Дар Душанбе Намоишгоҳи байналмилалии универсалӣ доир мешавад
120 гектар замини канори деҳаи Ғӯсари шаҳри Панҷакент бо оби полезӣ таъмин мегардад
Масъалаи тезонидани корҳо оид ба тармим ва навсозии нақби «Истиқлол» дар Душанбе баррасӣ гардид