Муҳаммадшариф Бобошозода: «Барномаҳои телевизионҳои маҳаллии шаҳри Душанбе, вилояти Хатлон ва ВМКБ тариқи моҳвора пахш мешаванд»
ДУШАНБЕ, 24.07.2019 /АМИТ «Ховар»/. Дар шашмоҳаи дуюми соли равон барномаҳои телевизионҳои маҳаллии шаҳри Душанбе, вилояти Хатлон ва ВМКБ тариқи моҳвора пахш мегарданд. Телевизионҳои маҳаллии вилояти Суғд аз аввалҳои соли 2020 ба моҳвора бароварда мешаванд. Ин нуктаро муовини аввали раиси Кумитаи телевизион ва радиои назди Ҳукумати Ҷумҳурии Тоҷикистон Муҳаммадшариф Бобошозода имрӯз, 24 июл зимни нишасти матбуотӣ иброз дошт.
Бо мақсади беҳтар намудани сатҳи фарогирии аҳолӣ бо пахши рақамӣ Кумитаи телевизион ва радио «Барномаи давлатии рушди пахши телевизиони рақамӣ дар Ҷумҳурии Тоҷикистон барои солҳои 2020-2024»-ро таҳия намуда, барои баррасӣ ба Ҳукумати Ҷумҳурии Тоҷикистон пешниҳод намудааст. Амалӣ гардидани барномаи мазкур саривақтӣ буда, он аз ҳама ҷиҳат барои рушди соҳа мусоидат менамояд.
Бино ба зикри номбурда, дар шароити имрӯза яке аз масъалаҳои муҳим- ин дастрасии пурраи аҳолии мамлакат ба мавҷи шабакаҳои телевизион ва радио мебошад, ки Кумита дар ин замина ба дастовардҳои зиёд ноил гардидааст. Ҳоло фоизи фарогирии аҳолӣ ба пахши шабакаҳои телевизион ва радиои давлатӣ нисбат ба солҳои гузашта афзоиш ёфта, сифати пахши барномаҳо беҳтар гардидааст. Айни замон фоизи фарогирии аҳолии ҷумҳурӣ бо пахши рақамии барномаҳои давлатии телевизион ва радио 60,44 фоизро ташкил медиҳад. Ин нишондод нисбат ба солҳои қаблӣ 7 фоиз зиёд мебошад.
Ба гуфтаи муовини аввали раиси Кумитаи телевизион ва радио, бо мақсади бештар намудани фоизи фарогирии аҳолӣ бо пахши шабакаҳои телевизион ва радио дар ноҳияҳои Ванҷу Рӯшон фиристандаҳои рақамӣ насб гардида, рӯзҳои наздик корҳои насбу васли фиристандаҳои рақамии телевизионӣ ва радиоӣ дар шаҳру ноҳияҳои Исфара, Кӯлоб, Дарвоз, Роштқалъа, Ишкошим, Мурғоб, Темурмалик, Зафаробод, Ёвон ва дигар минтақаҳо оғоз хоҳад шуд.
«Ҳоло бо мақсади бо сифати баланд ва бе ягон халали техникӣ пахш намудани барномаҳои шабакаҳои телевизион ва радиоҳои давлатӣ Кумита бо ду ширкати моҳворавии машҳур- Yahsat 1A ва NSS 12 шартномаи ҳамкорӣ ба имзо расонидааст. Ширкатҳои мазкур дар ҳама гуна вазъи обу ҳаво барномаҳои шабакаҳои телевизион ва радиоро бо сифати баланд ва бидуни халали техникӣ пахш менамоянд»,- гуфт Муҳаммадшариф Бобошозода.
Дар Душанбе Рӯзи фарҳанги ноҳияи Варзоб баргузор шуд
Дар Душанбе Рӯзи фарҳанги ноҳияи Муъминобод шукуҳманд баргузор гардид
Имрӯз дар боғҳои пойтахт рӯзҳои фарҳанги шаҳри Роғун, ноҳияҳои Варзоб ва Муъминобод баргузор мегарданд
Рӯзи фарҳанги ноҳияи Шамсиддин Шоҳин дар Душанбе баргузор гардид
Рӯзи фарҳанги ноҳияҳои Тоҷикободу Нуробод бо шукуҳу шаҳомати хос баргузор шуд
35-СОЛАГИИ ИСТИҚЛОЛИ ДАВЛАТӢ ВА ОСОРХОНАИ МИЛЛӢ. Нақши ин ниҳод дар ҳифзу муаррифии дастовардҳои истиқлол муҳим аст
Имрӯз дар боғҳои Душанбе рӯзҳои фарҳанги ноҳияҳои Шамсиддин Шоҳин, Тоҷикобод ва Нуробод баргузор мегарданд
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 228 нафар хатм намуданд
«ТОҶИКИСТОН — КИШВАРИ ЁДГОРИҲОИ НОДИР». Дар Италия намоиши шоҳкорҳои беназири мероси таърихию фарҳангии Тоҷикистон доир мегардад
Дар Душанбе рӯзҳои фарҳанги шаҳри Роғун, ноҳияҳои Шамсиддин Шоҳин, Тоҷикобод, Нуробод, Муъминобод ва Варзоб баргузор мегарданд
Роҳбарияти Осорхонаи миллии Тоҷикистон бо ҳафриёти бостоншиносӣ дар ёдгории бостонии Сайёд шинос шуд
РИОЯИ ФАРҲАНГИ МИЛЛӢ. Дар Донишкадаи давлатии фарҳанг ва санъати Тоҷикистон барои блогерон даври омӯзишӣ гузаронида мешавад
