НИШАСТҲОИ МАТБУОТӢ: Ҳайдар Одиназода масъалаи бо ҷойи кор таъмин намудани донишҷӯёнеро, ки тариқи буҷавӣ ва квота донишгоҳро хатм намудаанд, нигаронкунанда номид
ДУШАНБЕ, 12.07.2019. /АМИТ «Ховар»/. Ректори Донишгоҳи техникии Тоҷикистон ба номи академик М.Осимӣ Ҳайдар Одиназода имрӯз, 12 июл зимни нишасти матбуотии ин ниҳод масъалаи бо ҷойи кор таъмин намудани донишҷӯёнеро, ки тариқи буҷавӣ ва квота донишгоҳро хатм намудаанд, нигаронкунанда номид.
Ба зикри мавсуф, донишҷӯёне, ки тариқи квота донишгоҳҳоро хатм мекунанд, бояд ҳатман бо ҷойи кор таъмин шаванд.
«Хатми донишҷӯён натиҷагирӣ аз заҳмати чорсолаи таҳсили онҳо дар донишгоҳ аст. Аммо барои донишҷӯёни таҳсили буҷавӣ гоҳо мушкилоти таъмин шудан бо ҷойи кор ба миён меояд»,- иброз дошт Ҳайдар Одиназода.
Ба зикри номбурда, нисбат ба ин масъала ҳатто аз баъзе вазорату идораҳо ба унвони донишгоҳ мактуби расмӣ омадааст ва таъмини хатмкардагони буҷавӣ бо ҷойи кор рад карда шудааст.
«Боиси ташвиш аст, ки мавзӯи мазкур ба донишҷӯёни тариқи квота хатмкарда низ тааллуқ дорад. Давоми панҷ соли охир барои 54 нафар тариқи квота хатмкардагон мактуби раддияи ҳукуматҳои ноҳияҳо ба донишгоҳ ворид шудааст. Аз инҳо 18 мактуб ба соли 2018 рост меояд, ки ташвишовар аст»,- илова намуд Ректори донишгоҳ.
Мавсуф таъкид дошт, ки фиристодани донишҷӯён тариқи квота ба донишгоҳи мо аз натиҷагирии нодурусти ноҳияҳо мебошад. Зеро агар онҳо ба чунин мутахассисон ниёз надошта бошанд, чӣ зарурат пеш меояд, ки онҳоро ба ин ихтисос равона месозанд.
Ба иттилои Ҳайдар Одиназода, соли равон 1493 нафар донишгоҳро хатм намуданд, ки аз ин шумора 22 нафари онҳо дипломи аъло гирифтанд.
Ёдовар мешавем, ки ин донишгоҳ пойгоҳи асосии омода намудани мутахассисони соҳаи техникию технологии Ҷумҳурии Тоҷикистон буда, дар ҳамаи факултетҳои он аз рӯи зиёда аз 82 ихтисос мутахассисон омода карда мешаванд.
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
Дар Хуҷанд даври шаҳрии Озмуни ҷумҳуриявии «Тоҷикистон— Ватани азизи ман» оғоз шуд
