Дар Душанбе нахустин конфронси миллӣ оид ба фарогирии молиявӣ баргузор гардид

Август 21, 2019 10:00

ДУШАНБЕ, 21.08.2019 /АМИТ «Ховар»/. Вазъи кунунии дастрасии молиявии аҳолии Тоҷикистон, таҳияи стратегияи миллии фарогирии молиявӣ дар мамлакат, баланд бардоштани маърифати молиявии сокинон  дар нахустин конфронси миллӣ  оид ба фарогирии молиявӣ дар Ҷумҳурии Тоҷикистон, ки дар Душанбе доир гардид, мавриди баррасӣ ва таҳлил қарор гирифт. Дар ин бора ба АМИТ «Ховар» аз Бонки миллии Тоҷикистон иттилоъ доданд.

Муовини раиси Бонки миллии Тоҷикистон Лола Салимова дар конфронс гуфт, ки «дар шароити феълии рушди босуръати иқтисодиёти ҷаҳонӣ ва муносибатҳои молиявӣ фарогирии молиявӣ яке аз масъалаҳои муҳим дар самти таъмини суботу устувории молиявии ҳар кишвар маҳсуб мешавад».

Мавсуф афзуд, ки дар ин самт Ҳукумати Ҷумҳурии Тоҷикистон ва Бонки миллии Тоҷикистон  тадбирҳои зарурӣ андешида истодаанд. Аз ҷумла, оид ба баланд бардоштани маърифати молиявии аҳолӣ, тақвият бахшидани пардохтҳои ғайринақдӣ дар мамлакат барномаҳои алоҳида таҳия ва  амалӣ шуда истодаанд. “Ҳамчунин таҳияи Стратегияи миллии фарогирии молиявӣ дар Ҷумҳурии Тоҷикистон яке аз самтҳои афзалиятноки сиёсати молиявии ҷумҳурӣ ва Бонки миллии Тоҷикистон маҳсуб меёбад, ки бояд ба таври дастаҷамъона бо вазорату идораҳои марбута ва бо истифода аз таҷрибаи ҷаҳонии муваффақ таҳия карда шавад”,-иброз намуд Лола Салимова.

Дар ҷараёни нахустин конфронси миллӣ мавзӯъҳои дигари марбут  ба рушди фарогирии молиявӣ дар Ҷумҳурии Тоҷикистон, аз ҷумла, зарурати таҳияи Стратегияи миллии фарогирии молиявӣ дар Ҷумҳурии Тоҷикистон, ҳимояи ҳуқуқҳои истеъмолкунандагони хизматрасониҳои молиявию маърифати молиявӣ – василаи калидии фарогирии молиявӣ, реҷаи махсуси танзим ва нақши он дар рушди технологияи нави бонкӣ, афзоиши ҳаҷми пардохтҳои ғайринақдӣ ва ҳолати кунунии татбиқи усулҳои бонкдории исломӣ дар Тоҷикистон баррасӣ гардиданд.

 

Август 21, 2019 10:00

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
ҚУРБИ АСЪОР: дар Тоҷикистон 1 евро аз 11.1532 то 11.2000 сомонӣ муқаррар шудааст
Дар Неругоҳи барқи обии «Роғун» роботи махсуси кафшерӣ ба истифода дода шуд
ҚУРБИ АСЪОР: дар Тоҷикистон 1 рубли русӣ аз 0.1198 то 0.1220 сомонӣ муқаррар шудааст
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид