ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар шаҳри Турсунзода бо саҳми соҳибкори маҳаллӣ ва ҳашари дастҷамъонаи сокинон бинои таълимӣ ба истифода дода шуд

Сентябрь 5, 2019 17:26

ТУРСУНЗОДА, 05.09.2019 /АМИТ «Ховар»/. Ба ифтихори ҷашни 28- солагии Истиқлолияти давлатии Ҷумҳурии Тоҷикистон дар Ҷамоати деҳоти Навободи шаҳри Турсунзода  ду бинои нави таълимӣ  барои 1500 нафар хонанда дар назди муассисаҳои таҳсилоти миёнаи умумии рақамҳои 11 ва 26 мавриди баҳрабардорӣ қарор гирифтанд. Дар ин бора аз дафтари матбуоти Раиси шаҳр ба хабарнигори АМИТ «Ховар» иттилоъ доданд.

Бинои  иловагӣ дар назди муассисаи таҳсилоти миёнаи умумии рақами 11 дар доираи ҳамкории Ҳукумати Ҷумҳурии Тоҷикистон бо давлати Япония бунёд ёфтааст. Ин иншоот аз 6 синфхона ва утоқҳои корӣ иборат буда, дар он барои 300 нафар хонанда шароит муҳайё мебошад. Синфхона ва утоқҳои бинои нави муассисаи мазкур бо мизу курсӣ, тахтаи синф ва дигар лавозимоти хониш муҷаҳҳаз гардонида шудаанд.

ДАР АКС: Котиби Шӯрои амнияти Тоҷикистон Маҳмадалӣ Ватанзода ба пешсафони ҷабҳаи бунёдкорӣ ва ободонӣ мукофот месупорад.

Иншооти  муассисаи таҳсилоти миёнаи умумии рақами 26 бо ташаббуси мақомоти иҷроияи ҳокимияти давлатии шаҳри Турсунзода, саҳми соҳибкори маҳаллӣ Ҷӯрабек Муҳибов ва ҳашари дастҷамъонаи омӯзгорону дигар сокинони маҳаллӣ бунёд ёфтааст. Ин бино аз 2 ошёна, 20 синфхона ва 4 утоқӣ корӣ иборат буда, барои 1200 хонанда пешбинӣ гардидааст.

Ҳамчунин дар оғози соли таҳсили 2019-2020 дар шаҳри Турсунзода дар назди 14 муассисаи таълимӣ 78 синфхонаи иловагӣ, 3 толори варзишӣ ва 3 маҷлисгоҳ ба истифода дода шуд, ки имрӯзҳо хонандагон дар онҳо ба таълим фаро гирифта шудаанд. Бинову синфхонаҳои нави таълимӣ дар шаҳри Турсунзода тибқи нақшаи тасдиқнамудаи мақомот бахшида ба сазовор пешвоз гирифтани 30-солагии Истиқлолияти давлатӣ мавриди баҳрабардорӣ қарор дода шудаанд.

Зимни кушодашавии муассисаҳои таълимӣ  аз ҷониби намояндаи Ҳукумати  Ҷумҳурии Тоҷикистон, Котиби Шӯрои амнияти мамлдакат Маҳмадалӣ Ватанзода, роҳбарияти мақомоти иҷроияи ҳокимияти давлатии шаҳри Турсунзода сокинони фаъоли шаҳр ба хотири саҳми муносиб гузоштан дар корҳои ободонӣ бо Ифтихорнома, Сипоснома ва туҳфаҳои хотиравӣ қадрдонӣ шуданд.

Сентябрь 5, 2019 17:26

Хабарҳои дигари ин бахш

Намояндаи Тоҷикистон дар конфронси байналмилалӣ дар шаҳри Истанбул сухан гуфт
Дар Душанбе созишномаҳо оид ба маблағгузорӣ ба имзо расиданд
Татбиқи Барномаи миёнамуҳлати рушди иқтисоди рақамӣ дар Тоҷикистон баррасӣ шуд
Бонки миллии Тоҷикистон ба оператори низоми пардохтии «Вестерн Юнион Нетворк» иҷозатномаи фаъолият дод
Тоҷикистон номзадии Арабистони Саудиро барои мизбонии «Экспо -2030» ҷонибдорӣ менамояд
ВАТАНАМОНРО ОБОД МЕСОЗЕМ! Роҳи маҳаллаи Рӯдакии Ҷамоати шаҳраки Ҳисор мумфарш мегардад
Вазорати нақлиёти Тоҷикистон доир ба тағйирёбии ҳамлу нақли бор тавассути гузаргоҳҳои сарҳадии Туркманистон хабар додааст
ОМОДАГӢ БА ЗИМИСТОН. Дар анбори Агентии захираҳои моддии давлатӣ дар Бадахшон миқдори кофии маҳсулоти мавриди ниёзи аввал захира шудааст
Дар Бадахшон барномаи мусоидат ба шуғли аҳолӣ ва омодагӣ ба ҷашни 35-солагии Истиқлолияти давлатӣ баррасӣ шуд
Дар маркази ноҳияи Шуғнон сохтмони майдони Парчами давлатӣ оғоз ёфт
БА ИСТИҚБОЛИ 35-СОЛАГИИ ИСТИҚЛОЛИЯТИ ДАВЛАТӢ. 5 км роҳи деҳаи Шаҳрисабзи Ҷамоати деҳоти Регари шаҳри Турсунзода мумфарш карда шуд
ЛОИҲАИ БАРҚАРОРКУНИИ ҶАНГАЛ ВА БЕҲТАР КАРДАНИ НЕКУАҲВОЛИИ МАРДУМ. Дар Тоҷикистон маҷмӯаи селексионии киштзори писта ташкил ёфт