Дар Душанбе «Паёми нур»-и олим ва шоири тоҷик Ҳасани Султон ба нашр расид

Сентябрь 8, 2019 09:39

ДУШАНБЕ,  08.08.2019. /АМИТ «Ховар»/. Дар остонаи ҷашни фархундаи 28-солагии Истиқлолияти давлатии Ҷумҳурии Тоҷикистон ва ба ифтихори оғози кори чархаи дуюми бузургтарин иншооти Тоҷикистони соҳибистиқлол – Неругоҳи барқи обии «Роғун» маҷмӯаи нави ашъори олим ва шоири тоҷик, узви вобастаи Академияи илмҳои Ҷумҳурии Тоҷикистон Ҳасани Султон бо номи «Паёми нур» аз тарафи Муассисаи нашриётии «Дониш»-и Академияи илмҳо ба нашр расид. Дар ин бора ба хабарнигори АМИТ «Ховар» аз Академияи илмҳои Ҷумҳурии Тоҷикистон иттилоъ доданд.

Ба маҷмӯа президенти Академияи илмҳои Ҷумҳурии Тоҷикистон, академик Фарҳод Раҳимӣ сарсухан навиштааст. Дар сурудаҳои маҷмӯа, бахусус «Машъали номус», «Маъбади Хуршед», «Армуғони бахти ширин», «Боргоҳи нури ишқ», «Арсаи мардони мард», «Ҳафт хони Рустаму Исфандиёр», «Нури ҷон», «Муждаи рӯзи нишот», «Боргоҳи ифтихор», «Ахтари иқбол», «Шуълаи имон», «Нури гулханҳои хомӯш», «Оташи ҷовид», «Аз Суруди оташкадаи Каркӯй то суруди неругоҳи Роғун», «Шаш чархаи Роғун – шаш чархаи гардун» ва ғ. аҳамияту бузургӣ ва шукӯҳу ҳашамати ин сохтмон, инчунин шуҷоату корнамоии бунёдкорони он бо беҳтарин сифатҳо тасвиру тавсиф гардидаанд. Аз ҷумла, НБО-и «Роғун» ба нақши бошукӯҳи Бесутун, ки таърихи чандҳазорсола дорад, ташбеҳ дода шудааст:

 

НОБ-и Роғун

Дар дили кӯҳ

Ҳамчу нақши бошукӯҳи Бесутун аст.

Бо хати зар

Дар ҷабинаш сабт таърихи навини Ориёно.

Дар сурудаҳои маҷмӯа ҳамчунин нақши меҳварии Пешвои муаззами миллат дар бунёди неругоҳ таъкид гардидааст:

Аё ганҷовару ганҷури Роғун,

Дарафкандӣ ба олам шӯри Роғун.

Шавад монанди Норак нурборон

Илоҳо, хонаат аз нури Роғун!

Дар маҷмӯъ, дар китоби нави шеъри Ҳасани Султон «Паёми нур» бунёди Роғун саҳфаи заррини китоби даврони Истиқлол ва пандномаи рӯзгори давлатдории нави миллӣ ба наслҳои оянда арзёбӣ шудааст.

Зиҳӣ Роғун, зиҳӣ ширин чакома,

Фузун аз қудрати тасвири хома.

Зи қавми Оли Сосон, Оли Сомон

Ба даври рӯзгорон «Панднома».

Сентябрь 8, 2019 09:39

Хабарҳои дигари ин бахш

«ЗАБОНИ САЪДИЮ ҲОФИЗ, ЗАБОНИ РӮДАКӢ ҲАСТӢ…». Ба нобиғаҳои адабиёт арҷ гузорем, ки дар нигоҳдории забони тоҷикӣ нақши муҳим доранд
«ЗАБОНИ МИЛЛАТ-ҲАСТИИ МИЛЛАТ». Китоби Президенти Тоҷикистон ба забонҳои маъруфи ҷаҳон-русӣ, англисӣ ва чинӣ тарҷума гардид
«АЗ ҚАСРИ АРБОБ ТО МАЙДОНИ ИСТИҚЛОЛ». Шумораи идонаи рӯзномаи «Ҷумҳурият» дар ҳаҷми 70 саҳифа нашр шуд
Доир ба нақши Президенти Тоҷикистон дар танзими масоили Афғонистон китоби нави Муҳаммадӣ Сафолзода ба нашр расид
ЗАБОНИ ТОҶИКӢ-ЗАБОНИ СИЁСАТУ ҚОНУНГУЗОРӢ ВА КОРГУЗОРИВУ МУОШИРАТ. Ба ифтихори он дар Хадамоти гумрук маҷлиси тантанавӣ доир шуд
Нақши Пешвои миллат дар рушду густариши забони тоҷикӣ ба ҳайси забони давлатӣ беназир аст
Дар Теҳрон Рӯзҳои фарҳанги Тоҷикистон дар Эрон ифтитоҳ гардиданд
Дар Хадамоти иҷро ба муносибати Рӯзи забони давлатӣ ҳамоиш доир гардид
«ЗАБОН ВА ИСТИҚЛОЛ». Таҳти чунин унвон Конференсияи илмию амалии ҷумҳуриявӣ доир шуд
Сафири Тоҷикистон дар Россия бо донишҷӯёни тоҷик ва аъзои Шӯрои ҷамъиятии назди сафорат мулоқот намуд
Доир ба рушди забони давлатӣ дар солҳои соҳибистиқлолии Тоҷикистон конференсияи илмӣ барпо шуд
«…Забони тоҷикӣ-каломи Рӯдакиву Фирдавсӣ, Саъдиву Ҳофиз…,- бардошт аз конфронси ҲХДТ дар Осорхонаи миллии Тоҷикистон