Дар ноҳияи Рашт биноҳои Маркази таъминоти бехатарии озуқаворӣ ва Ҷамоати деҳоти Тагоба ба истифода дода шуданд
РАШТ, 07.09.2019 /АМИТ «Ховар»/. Ба ифтихори 28-умин солгарди ҷашни Истиқлолияти давлатии Ҷумҳурии Тоҷикистон дар ноҳияи Рашт дар фазои тантанавӣ бо иштироки раиси ноҳияи Рашт Раҳимҷон Муқимӣ, раиси Кумитаи бехатарии озуқавории назди Ҳукумати Ҷумҳурии Тоҷикистон Фарҳод Камолзода, муовини директори Агентии захираҳои моддии давлатии назди Ҳукумати Ҷумҳурии Тоҷикистон Соҳибҷон Зиёдуллоев бинои нави Маркази таъминоти бехатарии озуқаворӣ ва бинои маъмурии Ҷамоати деҳоти Тагоба мавриди баҳрабардорӣ қарор гирифтанд.
Бинои маркази таъминоти бехатарии озуқаворӣ аз ду ошёна иборат буда, дорои ташхисгоҳи замонавиест, ки бо беҳтарин таҷҳизоти замонавӣ муҷаҳҳаз мебошад.
Тибқи иттилои масъулини мақомоти иҷроияи ҳокимияти ноҳияи Рашт, соли 2019 дар ноҳия ба истифода додани 52 иншоот ба нақша гирифта шудааст. Бинои нави Маркази таъминоти бехатарии озуқаворӣ, бинои маъмурии Ҷамоати деҳоти Тагоба ва майдончаи варзишӣ аз ҷумлаи ин иншоот мебошанд, ки дар арафаи ҷашни Истиқлолият мавриди истифода қарор дода шуданд.
То ҷашни 30-солагии Истиқлолияти давлатии Ҷумҳурии Тоҷикистон дар ноҳияи Рашт сохтмони 206 иншооти дорои аҳамияти ҷамъиятиву ҷумҳуриявӣ ба нақша гирифта шудааст. Инҳо 29 адад варзишгоҳ, 15 адад биноҳои маъмурӣ, 29 адад хатти об нӯшокӣ, 22 адад марказҳои савдо, 12 адад корхонаҳои истеҳсолӣ ва 74 иншоот дар соҳаҳои фарҳангу тандурустӣ ва маориф мебошанд, ки то фарорасии ин ҷашни миллӣ ба истифода дода мешаванд.
Эмомалӣ Раҳмон: «Наврӯзро ба шукронаи сулҳу оромӣ дар давраи омодагӣ ба ҷашни бузурги миллӣ – 35-солагии Истиқлоли давлатӣ пешвоз мегирем»
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Бахшида ба Ҷашни байналмилалии Наврӯз дар ноҳияи Ёвон иншооти ҷашнӣ ифтитоҳ гардид
Дар Донишкадаи давлатии санъати тасвирӣ ва дизайни Тоҷикистон намоиши «Баҳори Истиқлол» баргузор шуд
Сохтмони муҷассама дар гардиши дараи Алмосии шаҳри Ҳисор ба анҷом мерасад
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
СИЁСАТИ ФАРҲАНГПАРВАРОНАИ ПЕШВОИ МИЛЛАТ – ЗАМИНАИ ГУСТАРИШИ МАЪРИФАТ ВА ХУДШИНОСИИ МИЛЛӢ. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ
СОЛИ ОБОДОНИЮ БУНЁДКОРӢ. Дар Ҷамоати деҳоти Овчиқалъача биноҳои иловагии муассисаҳои маорифу тандурустӣ сохта мешаванд
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон бинои меҳмонхонаи «Хуҷанд» пурра таҷдиду навсозӣ мегардад
Роҳҳои мошингарди ноҳияи Муъминобод таҷдиду навсозӣ мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони иншооти ҷашнӣ вусъат меёбад
Дар ноҳияи Муъминобод корҳои сохтмонӣ вусъати тоза меёбанд
