Масъалаи тақвияти ҳамкории мақомоти гумруки Тоҷикистон бо Созмони ҷаҳонии гумрук дар Душанбе баррасӣ гардид
 
			
					
										ДУШАНБЕ,23.09.2019/АМИТ «Ховар»/. Масъалаи марбут ба тақвияти ҳамкории мақомоти гумруки Тоҷикистон бо Созмони ҷаҳонии гумрук /СҶГ/ имрӯз дар Душанбе зимни мулоқоти Сардори Хадамоти гумруки назди Ҳукумати Ҷумҳурии Тоҷикистон Хуршед Каримзода бо Дабири кулли ин Созмон Кунио Микурия, ки бо сафари расмӣ дар Тоҷикистон қарор дорад, баррасӣ гардид.
Хабарнигори АМИТ «Ховар» иттилоъ медиҳад, ки Сардори Хадамоти гумруки Тоҷикистон ташрифи меҳмони баландпоя –Дабири кулли СҶГ Кунио Микурияро ба Тоҷикистон хайрамақдам гуфта, хостори ҳарчӣ бештари таҳкими ҳамкорӣ бо ин созмони бонуфузи ҷаҳонӣ гардид.
Хуршед Каримзода афзуд, ки Ҳукумати Ҷумҳурии Тоҷикистон таҳти сарварии Пешвои миллат муҳтарам Эмомалӣ Раҳмон дар самти ислоҳоти мақомоти гумруки Тоҷикистон, хусусан тақвияти инфрасохтори он тадбирҳои зарурӣ меандешад. Далели ин қабули Барномаи миёнамуҳлати рушди мақомоти гумруки Ҷумҳурии Тоҷикистон барои солҳои 2020-2024 мебошад, ки самти асосии он ба ислоҳоти соҳа, таъмини техникӣ ва модернизатсияи инфрасохтори мақомоти гумруки мамлакат нигаронида шудааст.
Бо дахли ҳамкории мақомоти гумруки Тоҷикистон бо мақомоти гумруки кишварҳои хориҷӣ ва созмонҳои байналмилалӣ Хуршед Каримзода афзуд, ки Хадамоти гумруки Тоҷикистон бо мақомоти гумруки 15 давлати ҷаҳон бо мақсади тавсеаи ҳамкории гумрукӣ беш аз 50 санади ҳамкорӣ ба имзо расонидааст.
Ҳамзамон Сардори Хадамоти гумруки Тоҷикистон доир ба фаъолияти мақомоти гумруки Тоҷикистон ва нақши он дар таъмини амнияти иқтисодии мамлакат сухан карда, гуфт, ки Ҷумҳурии Тоҷикистон бо Ҷумҳурии Ӯзбекистон 17 адад, бо Афғонистон 7 адад, Қирғизистон 5 адад ва Чин 1 гузаргоҳи сарҳадии расмӣ дорад. Аз теъдоди умумии дидбонгоҳҳои гумрукии дар мамлакат фаъол 35 ададро дидбонгоҳи гумрукии назисарҳадӣ, 18 дохилӣ, 25 автомобилӣ, 4 дидбонгоҳи гумрукӣ дар роҳи оҳан, 5 дидбонгоҳи гумрукӣ дар майдонҳои ҳавоӣ ва 1 обӣ ташкил медиҳад.
Дар мулоқот ҳамзамон масъалаҳои марбут ба тавсеаи ҳамкории мақомоти гумруки Тоҷикистон бо СҶГ дар самти мусоидат ба таҳким ва мукаммалгардонии Системаи иттилотии автоматонидашудаи ягонаи /СИАЯ/ мақомоти гумрук тариқи пешниҳоди таҷҳизот ва технологияи муосири иттилотӣ, таъминоти коммуникатсионӣ ва барномавии СИАЯ инчунин муҷаҳҳазгардонии дидбонгоҳҳои гумрукӣ бо таҷҳизоти муосири назорати гумрукӣ аз ҷониби давлатҳои рушдёфтаи аъзои СҶГ, ҷалби кормандони мақомоти гумруки Тоҷикистон ба курсҳои омӯзишии кӯтоҳмуддат, такмили ихтисос, ки дар доираи муқаррароти Стратегияи СҶГ барои солҳои 2019-2022 барои кормандони мақомоти гумруки кишварҳои аъзои СҶГ ташкил мегарданд, баррасӣ шуданд.
Аз ҷониби роҳбарияти мақомоти гумруки Тоҷикистон пешниҳод гардид, ки бо мақсади такмили фаъолияти Донишкадаи такмили ихтисоси Хадамоти гумруки назди Ҳукумати Ҷумҳурии Тоҷикистон ва дар оянда ташкил намудани курсҳои бозомӯзии кормандони мақомоти гумруки кишварҳои ҳамсоя, масъалаи гирифтани иҷозатномаи СҶГ барои Донишкадаи такмили ихтисоси Хадамоти гумруки Тоҷикистон ҳамчун Донишкадаи минтақавии СҶГ баррасӣ карда шавад.
Дар мулоқот ҳамзамон дигар масъалаҳои тавсеаи ҳамкории мақомоти гумруки Тоҷикистон бо СҶГ баррасӣ гардиданд.
Мавриди зикр аст, ки Ҷумҳурии Тоҷикистон аз соли 1997 аъзои Созмони ҷаҳонии гумрук мебошад.
                                        Марзия САИДЗОДА,
АМИТ «Ховар»









 
						


 РУШДИ САНОАТ. Дар Тоҷикистон ҳамасола зиёда аз 4,4 миллион тонна семент истеҳсол  мегардад
РУШДИ САНОАТ. Дар Тоҷикистон ҳамасола зиёда аз 4,4 миллион тонна семент истеҳсол  мегардад Дар Душанбе дар мавзуи «Пули сомонӣ-рукни давлатдории миллӣ» конфронси илмӣ-назариявӣ баргузор шуд
Дар Душанбе дар мавзуи «Пули сомонӣ-рукни давлатдории миллӣ» конфронси илмӣ-назариявӣ баргузор шуд Тоҷикистон ва Арабистони Саудӣ  ҳамкориро дар соҳаи энергетика густариш медиҳанд
Тоҷикистон ва Арабистони Саудӣ  ҳамкориро дар соҳаи энергетика густариш медиҳанд Иштироки Раиси Палатаи ҳисоб Ҷамшед Каримзода дар Конгресси XXV INTOSAI дар шаҳри Шарм-аш-Шайхи Миср
Иштироки Раиси Палатаи ҳисоб Ҷамшед Каримзода дар Конгресси XXV INTOSAI дар шаҳри Шарм-аш-Шайхи Миср ОМОДАГӢ БА ЗИМИСТОН. ҶСК «Ангишти Камароб» муассисаҳои буҷавии ноҳияҳои Рашту Тоҷикободро бо ангишти хушсифат таъмин намуд
ОМОДАГӢ БА ЗИМИСТОН. ҶСК «Ангишти Камароб» муассисаҳои буҷавии ноҳияҳои Рашту Тоҷикободро бо ангишти хушсифат таъмин намуд ПУЛИ МИЛЛӢ – РАМЗИ ДАВЛАТДОРӢ. Имрӯз аз ба муомилот баровардани  пули миллӣ — сомонӣ 25 сол сипарӣ шуд
ПУЛИ МИЛЛӢ – РАМЗИ ДАВЛАТДОРӢ. Имрӯз аз ба муомилот баровардани  пули миллӣ — сомонӣ 25 сол сипарӣ шуд Рӯзҳои наздик дар вилояти Хатлон нақшаи ҷамъоварӣ пахта пурра иҷро мегардад
Рӯзҳои наздик дар вилояти Хатлон нақшаи ҷамъоварӣ пахта пурра иҷро мегардад Роҳбари миссияи Хазинаи байналмилалии асъор ба устувории нишондиҳандаҳои макроиқтисодии Тоҷикистон баҳои баланд дод
Роҳбари миссияи Хазинаи байналмилалии асъор ба устувории нишондиҳандаҳои макроиқтисодии Тоҷикистон баҳои баланд дод «Сомон Эйр» имконияти васеъ намудани парки ҳавопаймоҳоро бо ширкати амрикоии ACG баррасӣ намуд
«Сомон Эйр» имконияти васеъ намудани парки ҳавопаймоҳоро бо ширкати амрикоии ACG баррасӣ намуд Дар Душанбе китоби «Занбӯриасалпарварӣ»-и Файзулло Мирзо рӯнамоӣ карда шуд
Дар Душанбе китоби «Занбӯриасалпарварӣ»-и Файзулло Мирзо рӯнамоӣ карда шуд Дар Бонки миллии Тоҷикистон бо ҳайати Хазинаи байналмилалии асъор мулоқот доир гардид
Дар Бонки миллии Тоҷикистон бо ҳайати Хазинаи байналмилалии асъор мулоқот доир гардид «ХАТЛОН  ИНВЕСТ-2025». Дар ин форуми байналмилалӣ имконияту иқтидори сармоягузории вилояти Хатлон муаррифӣ  мегардад
«ХАТЛОН  ИНВЕСТ-2025». Дар ин форуми байналмилалӣ имконияту иқтидори сармоягузории вилояти Хатлон муаррифӣ  мегардад 
									 
									 
									 
									 
									





