НУҚРАИ САБРИНА. Варзишгардухтари тоҷик дар Чемпионати Осиёи Ғарбӣ оид ба шоҳмот сазовори ҷои дуюм гардид
ДУШАНБЕ, 06.09.2019. /АМИТ «Ховар»/. Шоҳмотбози ҷавони тоҷик Сабрина Абророва дар Чемпионати Осиёи Ғарбӣ оид ба шоҳмот миёни наврасон дар равияи рапид миёни духтарони то 14-сола медали нуқра ба даст овард. Дар ин бора АМИТ «Ховар» бо истинод ба Кумитаи миллии олимпии Тоҷикистон хабар медиҳад.
Мусобиқа дар шаҳри Деҳлии Ҳиндустон оғоз гардид ва аз рӯи равияҳои шоҳмоти классикӣ, рапид ва блитс то 11 сентябр идома меёбад.
Сабрина дар рӯзи аввал, дар равияи рапид (босуръат) 7 бозӣ анҷом дода, дар 5 бозӣ бар намояндагони Ҳиндустон (3 нафар), Ӯзбекистон ва Шри Ланка ғалаба кард. Ӯ як бозиро бо варзишгари дигари Ҳиндустон мусовӣ карда, дар як бозӣ аз ғолиби ин равия Роҳилла Шивика аз Ҳиндустон мағлуб шуд ва ҷои дуюмро ишғол намуд.
Дар чемпионати мазкур 336 шоҳмотбоз аз 10 давлат, аз ҷумла Тоҷикистон, Ӯзбекистон, Қазоқистон, Қирғизистон, Непал, Ҳиндустон, Шри Ланка, Эрон, Аморати Муттаҳидаи Араб ва Бангладеш иштирок доранд.
Ёдовар мешавем, ки Сабрина дар 5-умин Бозиҳои ҷаҳонии наврасон (World Junior Compatriot Games), ки 1-5 июни соли равон дар шаҳри Ханти-Мансийски Федератсияи Россия баргузор шуд, сазовори ду медал – 1 тилло ва 1 нуқра гардида буд.
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
