Сармураббиёни дастаҳои мунтахаби Тоҷикистон ва Қирғизистон нишасти матбуотӣ доир намуданд

Сентябрь 4, 2019 14:50

ДУШАНБЕ, 04.09.2019 /АМИТ «Ховар»/.   Имрӯз, 4  сентябр  бо иштироки  хабарнигорони ВАО дар меҳмонхонаи  «Ҳайат Реҷенси»-и шаҳри Душанбе нишасти матбуотии  пеш аз бозии марҳилаи интихобии Чемпионати ҷаҳон-2022 миёни сармураббиёни  дастаҳои  мунтахаби  футболи  Тоҷикистон ва Қирғизистон баргузор шуд. Дар ин бора  мухбири АМИТ «Ховар»  Меҳрони Қурбон   бо истинод ба  Федератсияи  футболи Тоҷикистон хабар  медиҳад.

Нахуст сармураббии рустабори  дастаи  мунтахаби  Қирғизистон Александр Крестинин ба  хабарнигорон  чунин гуфт:

«Пеш аз ҳама, ба Тоҷикистон барои истиқболи гарму самимӣ ташаккур мегӯям. Тавре ба ҳамагон маълум аст, фардо бозиҳои нахустини марҳилаи гурӯҳии даври дуюми интихобии Чемпионати ҷаҳон-2022 оғоз мешаванд. Ҳар дастае, ки иштирокчии гурӯҳи «F» аст, мехоҳад нахустин рақобаташро бо пирӯзӣ оғоз кунад. Инро  танҳо вақт нишон медиҳад ва 5 сентябр, соати  19:00   мебинем, ки дар майдон кӣ пирӯз мешавад».

Баъдан сармураббии  дастаи мунтахаби  Тоҷикистон  Усмон Тошев зимни нишасти хабарӣ ба рӯзноманигорон гуфт, ки «ҳар дастае, ки ба майдон мебарояд, бояд бо худ мақсади муайян дошта бошад. Мо тамринҳоро хуб оғоз кардем ва ин бегоҳ охирин машқи худро пеш аз бозӣ баргузор мекунем. Дар мавриди ҳайати асосӣ ҳоло ман чизе гуфта наметавонам. Ҳайати асосӣ танҳо як соат пеш аз бозӣ маълум мешавад. Мо танҳо барои пирӯзӣ мубориза мебарем. Зимни  тамринҳо мо мушоҳида намудем, ки рӯҳияи бачаҳо болида аст ва дар байни онҳо ягон нофаҳмӣ нест. Бачаҳои мо пурра ба бозӣ бо дастаи  мунтахаби  Қирғизистон омода ҳастанд. Аз кулли мухлисони тоҷик, ки онҳо дар майдон футболбози 12-ум ба шумор мераванд, даъват ба амал меорам, ки фардо ба Варзишгоҳи марказӣ омада, бачаҳоро дастгирӣ кунанд».

Сентябрь 4, 2019 14:50

Хабарҳои дигари ин бахш

Дастаи мунтахаби наврасони Тоҷикистон (U-17) панҷ бозии санҷишӣ анҷом дод
Рақибони дастаи мунтахаби занонаи Тоҷикистон оид ба футбол дар марҳилаи интихобии Ҷоми Осиё-2026 муайян шуданд
Бозиҳои даври сеюми Чемпионати Тоҷикистон байни дастаҳои Лигаи олӣ 28-29 март доир мешаванд
ФУТБОЛ. Ҳайати ҳакамон аз Узбекистон бозии дӯстонаи дастаҳои мунтахаби Тоҷикистон ва Беларусро доварӣ менамояд
Дастаи мунтахаби Тоҷикистон омодагиро ба бозиҳо ба муқобили дастаҳои мунтахаби Беларус ва Тимори Шарқӣ оғоз намуд
ФУТБОЛ. Тоҷикистон мизбони марҳилаи интихобии Ҷоми Осиё-2026 байни дастаҳои мунтахаби занон интихоб шуд
«ҶОМИ РУШД-2025. Дастаи мунтахаби наврасони Тоҷикистон (U-17) бо дастаҳои Русия, Эрон ва Қазоқистон бозӣ мекунад
Довари тоҷик бозиҳои интихобии Ҷоми Осиё-2025 оид ба футзал байни занонро ҳакамӣ дорад
Дар Душанбе даврҳои мураббигии футбол барои дарёфти сертификати «С» ба анҷом расиданд
ФУТБОЛ. Дастаи мунтахаби занонаи Тоҷикистон бо тими Арабистони Саудӣ бозиҳои дӯстона анҷом медиҳад
ФУТБОЛ. Довари тоҷик Исмоил Нуралиев дар Ҷоми Осиё-2025 байни ҷавонон (U-20) кор мекунад
ФУТБОЛ. Дастаи мунтахаби Тоҷикистон бо тими миллии Беларус бозии дӯстона баргузор мекунад