Ҳаҷми истеҳсоли маҳсулоти корхонаҳои сохтмонии Тоҷикистон ба 2 миллиард сомонӣ баробар шуд

Октябрь 16, 2019 15:09

ДУШАНБЕ, 16.10.2019./АМИТ «Ховар»/. Ҳаҷми истеҳсоли маҳсулоти корхонаҳои сохтмонии Тоҷикистон дар 9 моҳ ба 2 миллиард сомонӣ  баробар шуд. Дар ин бора АМИТ «Ховар» бо истинод ба Вазорати саноат ва технологияҳои нави Ҷумҳурии Тоҷикистон хабар медиҳад.

Ба иттилои манбаъ, ин шумора нисбат ба ҳамин давраи соли  гузашта 257 миллиону 500 ҳазор сомонӣ зиёд мебошад.

Гуфта мешавад, ки ҳиссаи соҳа дар маҷмӯи маҳсулоти саноатӣ дар 9 моҳ, 10,9 %-ро ташкил дод.

«Истеҳсоли семент ба 3,1 миллион тонна, хишт 127 миллион дона, газоблок 25,8 ҳазор метри мукааб, масолеҳи ғайримаъданӣ 1109,9 ҳазор метри мукааб, гаҷкартон 1000,2 ҳазор дона ва шифер ба 816 ҳазор дона баробар шудааст», — омадааст дар иттилоияи Вазорати саноат ва технологияҳои нав.

Бояд гуфт, ки корхонаҳои соҳавӣ бо мақсади амалӣ намудани дастуру супоришҳои Асосгузори сулҳу ваҳдати миллӣ, Пешвои миллат — Президенти Ҷумҳурии Тоҷикистон муҳтарам Эмомалӣ Раҳмон дар роҳи расидан ба ҳадафи чоруми миллӣ — саноатикунонии босуръати мамлакат тадбир андешида истодаанд.

Дар ин давра ҳаҷми содироти маҳсулот 54,4 миллион доллари ИМА ва ҳаҷми воридот 31,2 миллион долларро ташкил додааст.

«Зиёдшавии ҳаҷми содирот аз ҳисоби фурӯши семент мебошад, ки маблағи он 54,1 миллион долларро ташкил медиҳад», — афзуд манбаъ.

Ёдовар мешавем, ки маҳсулоти сохтмонии истеҳсоли Тоҷикистон асосан ба Ӯзбекистон, Афғонистон, Қирғизистон ва қисман ба Давлати Қатар содирот карда мешаванд.

Октябрь 16, 2019 15:09

Хабарҳои дигари ин бахш

Вазири кишоварзии Тоҷикистон вобаста ба тақвияти корҳои саҳроӣ бо деҳқонони шаҳри Конибодом суҳбат намуд
Дар шаҳри Хоруғ корхонаи истеҳсоли ҳасиб бунёд мегардад
Дар Суғд барои дарёфти грантҳои раиси вилоят озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад