Ҳайати парлумонии Тоҷикистон аз мавзеъҳои таърихиву фарҳангии шаҳри Самарқанд боздид намуд

Октябрь 9, 2019 15:02

ДУШАНБЕ, 09.10.2019. /АМИТ «Ховар»/. Ҳайати парлумонии Ҷумҳурии Тоҷикистон зимни сафар ба Ҷумҳурии Ӯзбекистон аз мавзеъҳои таърихиву фарҳангии шаҳри Самарқанд боздид намуд. Дар ин бора котиби матбуотии палатаи поёнии Парлумони Тоҷикистон Муҳаммадато Султонов ба АМИТ «Ховар» хабар дод.

Ба иттилои манбаъ, боздиди ҳайати мазкур аз зиёрати оромгоҳи нахустин Президенти Ҷумҳурии Ӯзбекистон, шодравон Ислом Каримов дар шаҳри Самарқанд оғоз гардида, меҳмононро Раиси палатаи қонунбарори Олий Маҷлиси Ҷумҳурии Ӯзбекистон Нуридин Исмоилов ҳамроҳӣ намуд.

Гуфта мешавад, ки Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров ва ҳамроҳони ӯ бо нишони эҳтиром ва қадршиносӣ дар назди марқади шодравон Ислом Каримов гулчанбар гузошта, бо дуову фотеҳаи нек рӯҳашро шод карданд.

«Дар шаҳри бостонии Самарқанд Шукурҷон Зуҳуров ва ҳамроҳони ӯ ҳамчунин аз оромгоҳи  Ал-Бухорӣ, масҷиди «Ҳазрати хизр» расадхонаи ба номи Мирзо Улуғбек ва  майдони «Регистон» боздид намуда, бо таърихи бою рангини ин марказҳои қадимӣ шинос шуданд», — афзуд Муҳаммадато Султонов.

Расадхонаи ба номи Мирзо Улуғбек аз иншооти муҳимтарини асрҳои миёна мебошад, ки соли 1428 дар теппаи Куҳаки атрофи Самарқанд сохта шудааст. Қисми асосии он аз девор бо ҳудуди 40 метр ва бо қисми кории аз 20 то 80 дараҷа иборат мебошад.

Соли 1437 дар ин расадхона Қӯрғон — номгӯи осмони ситоразор тартиб дода шуда, дар он 1018 ситора дарҷ гардидааст. Дар ҳамин ҷо дарозии соли ситоравӣ 365 рӯзу 6 соату 10 дақиқа бо хатоии 58 сония муайян карда шудааст.

Ба иттилои манбаъ, ҳайати парлумонии Тоҷикистон бо таваҷҷуҳ ба таърихи қадимии ин шаҳри бостонӣ аз майдон ва ансамбли ёдгории «Регистон» боздид намуданд.

Ин ёдгорӣ аз мадрасаҳои «Улуғбек», «Тиллокорӣ» ва мадрасаи «Шердор» иборат мебошад, ки имрӯзҳо ба макони сайру саёҳати сокинону сайёҳон мубаддал гардидааст.

Ёдовар мешавем, ки ба ҳайати мазкур Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров, роҳбари дастгоҳи Маҷлиси намояндагон Мизроб Кабиров, вакилони мардумӣ Зуфар Исмоилзода, Ориф Ҳакимов, Мавзуна Шамсиддинзода ва мудири шуъбаи робитаҳои байнипарлумонӣ ва протоколии дастгоҳи ин ниҳод Хушмуҳаммад Нуриддинзода шомил буданд.

Октябрь 9, 2019 15:02

Хабарҳои дигари ин бахш

Дар Душанбе барои хизматчиёни давлатӣ машғулият баргузор гардид
Робитаҳои дуҷониба миёни парлумонҳои Тоҷикистон ва Чин тақвият меёбанд
БУНЁДИ МИЛЛАТ АЗ МАОРИФ ОҒОЗ МЕЁБАД. Доир ба пешниҳоди роҳҳои нави омӯзиши илмҳои табиӣ ва риёзиву дақиқ ҳамоиш баргузор гардид
Фарҳод Раҳимӣ ва Тзи Шумин масоили густариши робитаҳои байнипарлумонии Тоҷикистон ва Чинро баррасӣ намуданд
Дар Маҷлиси намояндагон лоиҳаи Қонун «Дар бораи мораторий ба санҷишҳои фаъолияти субъектҳои соҳибкорӣ» баррасӣ шуд
Шартнома миёни Ҷумҳурии Тоҷикистон ва Федератсияи Русия оид ба ҳамкорӣ дар соҳаи таъмини нафақа. Шарҳи АМИТ «Ховар» дар ин мавзӯъ
Ҳиндустон ба Тоҷикистон барои татбиқи лоиҳаҳо дар соҳаи иҷтимоӣ кумаки грантӣ мерасонад
Дар ҷаласаи навбатии иҷлосияи сеюми Маҷлиси намояндагон ба якчанд қонун тағйиру иловаҳо ворид гардиданд
Муҳаммадраҳим Юсуфӣ дар муколамаи вакилони парлумонҳои кишварҳои Осиёи Марказӣ оид ба тағйирёбии иқлим иштирок намуд
Насиба Содиқӣ бори дуюм муовини раиси Комиссияи доимии Ассамблеяи Байнипарлумонии ИДМ оид ба илм ва маориф интихоб гардид
Вакили Маҷлиси намояндагон Зоир Раҳмонзода дар ҷаласаи Комиссияи доимии АБ ИДМ иштирок намуд
Ҷаласаи комиссияи доимии Ассамблеяи Байнипарлумонии ИДМ оид ба масъалаҳои ҳуқуқӣ, амният, илм ва маориф баргузор гардид