Дар доираи ҳамоиши доираҳои тиҷоратии Тоҷикистон, Афғонистон ва Беларус санадҳои ҳамкорӣ ба имзо расиданд
ДУШАНБЕ, 25.10.2019 /АМИТ «Ховар»/. Дар доираи ҳамоиши сеҷонибаи тиҷоратии Тоҷикистон, Афғонистон ва Беларус байни Вазорати саноат ва технологияи нави Ҷумҳурии Тоҷикистон ва Вазорати саноати Беларус, инчунин байни Палатаҳои савдо ва саноати Тоҷикистон-Афғонистон ва Тоҷикистон-Беларус ва ҳамзамон байни ширкатҳои тавлидотии се давлат созишномаҳои ҳамкорӣ ба имзо расонида шуданд.
Ба имзо расонидани санадҳои ҳамкорӣ ба тавсеаи равобити иқтисодӣ, ҷалби сармоя, таъсиси корхонаҳои муштараки тавлидотӣ, инчунин пайдо намудани шарикон ва тақвияти робитаҳои доираҳои соҳибкории Тоҷикистон, Афғонистон ва Беларус мусоидат менамояд.
Намояндагони доираҳои тиҷоратии Тоҷикистону Афғонистон ва Беларус дар ҳамоиши тиҷоратӣ масъалаҳои марбут ба тақвияти робитаҳои иқтисодию тиҷоратиро дар бахшҳои истихроҷ ва коркарди маъданҳои кӯҳӣ, саноати мошинсозӣ, сармоягузорӣ, саноати сабук, сайёҳӣ ва ҳунарҳои мардумӣ ва соири масоили марбут ба таҳкими робитаҳои иқтисодию тиҷоратӣ баррасӣ намуда, ҳавасмандӣ ва омодагии худро вобаста ба ҷалби сармоя, таъсиси корхонаҳои муштараки истеҳсолию саноатӣ баён карданд.
Зикр гардид, ки байни Тоҷикистону Беларус имкониятҳои васеъ барои ҳамкорӣ дар самти коркарди маҳсулоти кишоварзӣ ва ширӣ, қоғаз, саноати нафту кимиё, истеҳсоли трансформаторҳо ва техникаҳои светодиодӣ мавҷуданд. Дар шаҳри Ҳисор корхонаи муштараки васлкунии техникаи кишоварзӣ таъсис дода шудааст, ки онро метавон намунаи барҷастаи ҳамкории мутақобилан суманди иқтисодӣ байни Тоҷикистон ва Беларус арзёбӣ намуд.
Марзия САИДЗОДА,
АМИТ «Ховар»
Рушди хатсайрҳои байналмилалии мултимодалӣ байни Тоҷикистон ва Туркманистон баррасӣ карда шуд
Ҳайати Тоҷикистон дар марҳилаи аввали омӯзиши таҷрибаи Қирғизистон дар соҳаи идоракунии молияи давлатӣ иштирок намуд
Татбиқи Лоиҳаи беҳтаргардонии таҷҳизоти сканеркунии борҳо дар нуқтаи назорати гумрукӣ дар Спитамен баррасӣ гардид
Дар Бохтар оид ба кам кардани талафоти неруи барқ вохӯрӣ доир гардид
Дар Бадахшон ҳаҷми истеҳсоли маҳсулоти кишоварзӣ беш аз 225 миллион сомониро ташкил дод
Дар Тоҷикистон шумораи занони соҳибкор ва роҳбарони хоҷагиҳои деҳқонӣ афзоиш меёбад
Бонки ҷаҳонӣ татбиқи Барномаи «Дастгирии сиёсати рушди устувор — Тоҷикистони рақобатпазир ва фарогир»-ро тасдиқ намуд
Агентии назорати давлатии молиявӣ ва мубориза бо коррупсия ба маблағи беш аз 624 миллион сомонӣ зарари молиявӣ ошкор намуд
Даромади буҷети Вилояти Мухтори Кӯҳистони Бадахшон 105,1 фоиз иҷро гардидааст
ҲИСОББАРОБАРКУНИИ ҒАЙРИНАҚДӢ. 3,5 миллион амалиёти пардохти андоз ва боҷҳо ба таври ғайринақдӣ анҷом дода шуд
Дар Душанбе тавсеаи ҳамкории Тоҷикистон бо JICA баррасӣ гардид
Зернизоми идораи эътимод бо истифода аз модули иловагии «Data mining» мавриди истифода қарор гирифт
