Кишоварзони Бохтар дурнамои истеҳсоли пахтаро 100% иҷро намуданд

Октябрь 5, 2019 13:11

ДУШАНБЕ, 05.10.2019. /АМИТ «Ховар»/. Пахтакорони хоҷагиҳои деҳқонии шаҳри Бохтар 4 октябр дурнамои истеҳсоли пахтаро сарбаландона иҷро намуданд.

Заркорони Бохтар имсол дар майдони 310 гектар чигит  кишт карда, то имрӯз аз ҳар гектар 23-сентнерӣ «тиллои сафед» рӯёниданд.

Тавре аз мақомоти иҷроияи ҳокимияти давлатии шаҳри Бохтар иттилоъ доданд, имрӯзҳо ҷамъоварии пахта дар хоҷагиҳои деҳқонии шаҳр бомаром идома дошта, пахтакорон азм доранд ҳосили боқимондаро то пағаи охирин ҷамъ оваранд.

Ёдовар мешавем, ки 5 рӯз қабл заркорони шаҳри Левакант низ дар ҷумҳурӣ аввалин шуда, аз иҷрои пурраи дурнамои ҷамъоварии ҳосили пахта мужда дода буданд.

Хоҷагиҳои деҳқонии шаҳри Левакант имсол дар майдони 1010 гектар кишти пунбадона гузаронида, то имрӯз ба ҷойи 2310 тоннаи дурнамо ба миқдори 2313 тонна ҳосил ғундоштаанд. Ҳосилнокӣ аз ҳар гектар ба 22,9-сентнерӣ расонида шудааст.

Раиси вилояти Хатлон Қурбон Ҳакимзода ҷиҳати қадрдонии меҳнати заркорони шаҳри Левакант ба раиси ин шаҳр Заррина Давлатзода Сипосномаи мақомоти иҷроияи ҳокимияти давлатии вилоят ва 15 ҳазор сомонӣ мукофотпулӣ тақдим кард.

Раиси шаҳри Бохтар Абдуалим Исмоилзода низ бо Сипоснома ва 10 ҳазор сомонӣ мукофот сарфароз гардид.

Октябрь 5, 2019 13:11

Хабарҳои дигари ин бахш

Ноиби Президенти Бонки ҷаҳонӣ оид ба Аврупо ва Осиёи Марказӣ Антонелла Бассани аз НБО «Роғун» боздид намуд
Дар ноҳияи Бобоҷон Ғафуров таъмини заминҳои кишоварзӣ бо оби полезӣ таҳти таваҷҷуҳи доимӣ қарор дорад
Антанелла Бассани: «Бонки ҷаҳонӣ дар оянда низ ҳавасманди ҳамкорӣ бо Тоҷикистон мебошад»
11 мутахассиси соҳаи нақлиёти Тоҷикистон дар Ҷопон таҷриба меомӯзад
Охири моҳи июн дар Тоҷикистон ҷашни Тиргон, иди зардолу ва намоиши хушкмеваҳо баргузор хоҳад шуд
«ЭНЕРГИЯИ САБЗ». Тоҷикистон ба яке аз давлатҳои пештози ҷаҳон дар ин соҳа табдил хоҳад ёфт
Дар Тоҷикистон майдони 23 987 гектар ҳосили зироати ғалладонагӣ ҷамъоварӣ шуд
Ҳамарӯза даҳҳо тонна пиёз ва картошка вориди бозорҳои Тоҷикистон мешавад
Озмуни «Маҳсулот ва хизматрасонии беҳтарин дар Ҷумҳурии Тоҷикистон» ҷамъбаст ва беҳтаринҳо соҳиби ҷоиза шуданд
Тоҷикистон ва Созмони ҷаҳонии сайёҳӣ ҳамкориро тақвият мебахшанд
Мушкилоти чорводорӣ. Чаро чорводорони дигар минтақаҳои мамлакат муҳлати ба чарогоҳҳои ноҳияи Сангвор овардани чорворо риоя намекунанд?
Дар шаҳри Ваҳдат Фестивал — намоиш ва фурӯши чорвои зотӣ оғоз шуд