«Корвони саломатӣ» ин навбат шаҳру ноҳияҳои вилояти Хатлонро фаро гирифтааст
БОХТАР, 24.10.2019 /АМИТ «Ховар»/. Иқдоми ҳарсолаи «Корвони саломатӣ» дар ин рӯзҳо дар вилояти Хатлон ҷараён дорад. Он 8 октябр оғоз ёфта, 2 ноябр ба анҷом мерасад. Дар ин бора ба мухбири АМИТ «Ховар» аз Раёсати тандурустии вилояти Хатлон иттилоъ доданд.
Мутахассисони баландихтисоси тиббии «Корвони саломатӣ» аллакай ба ноҳияҳои Темурмалик, Восеъ, Фархор, Қубодиён, Панҷ, Шаҳритус ва инчунин ноҳияи Ҳамадонӣ сафар карданд. Имрӯз табибон дар ноҳияи Ҷомӣ қарор доранд.
Дар маҷмӯъ 17 нафар кормандони ихтисосҳои гуногуни тиббӣ дар ин иқдом ширкат мекунанд. Ҳамаи хоҳишмандон метавонанд аз хидматҳои духтурони асабшинос, кардиолог, гинеколог, терапевт ва педиатр истифода баранд. Аз ҷумла, барои аҳолӣ ташхиси ултрасадо, рентген, маммография, гузаштани кардиограмма ройгон анҷом дода шуда, инчунин маслиҳату машваратҳо дода мешаванд.
Ҳар як мутахассиси ботаҷриба дар як рӯз то 100 нафарро қабул мекунад.
Бояд зикр кард, ки ҳадафи иқдоми «Корвони саломатӣ» — ин дастрас намудани хизматрасонии тиббии баландсифат ба сокинони минтақаҳои дурдаст мебошад. Он барои ёрӣ расондан ба аҳолӣ баҳри ошкор кардани бемориҳои эҳтимолӣ ва таъйин намудани табобати саривақтӣ равона шудааст.
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
Барои пешгирии бемориҳои зоонозӣ ҷаласа доир карда шуд
