Сарвазири мамлакат Қоҳир Расулзода аз вилояти Хатлон боздид намуд

Октябрь 16, 2019 08:24

ДУШАНБЕ, 16.10.2019. /АМИТ «Ховар»/. 15 октябр сафари кории Сарвазири Ҷумҳурии Тоҷикистон Қоҳир Расулзода ба шаҳру навоҳии вилояти Хатлон оғоз гардид.

Сарвазири мамлакат Қоҳир Расулзода ҳамроҳ бо Раиси вилояти Хатлон Қурбон Ҳакимзода нахуст дар деҳаи Ҳақиқати ноҳияи Хуросон аз хоҷагии фермерии “Бибиузбекбӣ” боздид карданд. Хоҷагии мазкур соли 2019 дар майдони умумии 883 гектар дар ҷамоатҳои деҳоти “Ғаллаобод”, “Ҳилолӣ” ва “Қизилқалъа” ташкил шудааст.

Бо дастури Ҳукумати Ҷумҳурии Тоҷикистон аз тарафи хоҷагӣ дар 150 гектар боғи ангури чойлобӣ бо ҳашт навъ бунёд мегардад. Сарвазир ва раиси вилоят бо ҷараёни корҳои ҳамворкунии майдони боғ ва кашидани хатти интиқоли об шинос шуданд.

Пасон Қоҳир Расулзода ва Қурбон Ҳакимзода аз ҷараёни корҳои сохтмонӣ дар бинои маркази хизматрасонӣ боздид намуданд.

Маркази хизматрасонӣ дар доираи нақшаи чорабиниҳо бахшида ба 30-солагии Истиқлолияти давлатӣ бунёд шуда истодааст. Корҳои сохтмонии иншооти мазкур аз моҳи сентябри соли 2018 оғоз гардида, бо ибтикори соҳибкор Мустафо Мирзоев амалӣ мешаванд. Иншоот аз 2 ошёна иборат буда, дар он ташкили ҳаммоми замонавӣ, сартарошхона, кошонаи ҳусн, ҳуҷраи дандонпизишкӣ, лойдармонӣ ва маркази савдо пешбинӣ гардидааст. Баъди ба истифода додани иншооти мазкур 12 нафар шаҳрвандони маҳаллӣ бо ҷойи кор таъмин мегарданд.

Дар доираи нақшаи чорабиниҳо бахшида ба 30-солагии Истиқлолияти давлатӣ дар ноҳияи Хуросон инчунин сохтмони фермаи бузпарварӣ барои 1000 сар бузи ширӣ аз тарафи ҶДММ Хоҷагии зотпарварии “Саодат” дар деҳаи Гулрези Ҷамоати деҳоти “Ҳилолӣ” ҷараён дорад.

Ба Сарвазири мамлакат маълумот дода шуд, ки корҳои сохтмонӣ дар иншооти мазкур моҳи феврали соли 2018 оғоз гардида, то ин давра зиёда аз 50%-и корҳо иҷро карда шудаанд. Арзиши умумии иншоот 14 миллиону 898 ҳазор сомониро ташкил медиҳад.

Корҳои сохтмонӣ то охири соли 2019 ба итмом расида, воридоти таҷҳизот ва чорво то ҷашни Наврӯзи соли 2020 ба нақша гирифта шудааст.

Дар сурати ба истифода додани иншооти мазкур зиёда аз 25 нафар шаҳрвандони ноҳия соҳиби ҷойи кори доимӣ мегарданд.

Октябрь 16, 2019 08:24

Хабарҳои дигари ин бахш

Дар шаҳри Кӯлоб ҳаҷми умумии маҳсулоти кишоварзӣ ба беш аз 382 миллион сомонӣ расид
Оид ба роҳҳои баланд бардоштани ҳосилнокии картошка дар минтақаҳои доманакӯҳ ҳамоиши ҷумҳуриявӣ доир шуд
Қабули Қатъномаи СММ оид ба зеҳни сунъӣ дастоварди муҳими байналмилалии Тоҷикистон дар соҳаи инноватсия ва технологияҳои рақамӣ аст
НИШАСТИ МАТБУОТӢ. Сомонаҳои 45 мақомоти давлатӣ ба «Интернет портали ягонаи давлатӣ — «eHukumat.tj» пайваст карда шудаанд
НИШАСТИ МАТБУОТӢ. Дар корхонаҳои саноатии шаҳри Турсунзода 96 номгӯй маҳсулоти саноатӣ истеҳсол карда мешавад
НИШАСТИ МАТБУОТӢ. 178 нархномаи хизматрасонии пулакии муассисаю ташкилоти давлатӣ ва ғайридавлатӣ ба мувофиқа расонида шуд
Вазирони энергетика ва хоҷагиҳои оби Тоҷикистон, Узбекистон ва Қазоқистон бо фаъолияти пойгоҳҳои обкашии мамлакат шинос шуданд
Моҳи сентябр таҷдиди Неругоҳи барқи обии «Қайроқум» пурра ба итмом мерасад
Рейтинги кредитии соҳибихтиёрии Тоҷикистон дар сатҳи «B» бо дурнамои «устувор» тасдиқ шуд
Дар корхонаҳои саноатии ноҳияи Мастчоҳ ба маблағи беш аз 113 миллион сомонӣ маҳсулот истеҳсол карда шудааст
Дар шашмоҳаи якуми соли 2025 ба низоми бонкии Тоҷикистон 3 миллиард доллари ИМА сармояи хориҷӣ ҷалб карда шуд
EXPO-2025. Ҳамарӯза гӯшаи Тоҷикистонро 25 ҳазор нафар тамошо менамоянд