TDN: Президентҳои Тоҷикистон ва Туркманистон ҷанбаҳои ҳамкориро баррасӣ намуданд
ДУШАНБЕ, 11.10.2019. /АМИТ «Ховар»/. Тавре қаблан иттилоъ додем, субҳи имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати иштирок дар ҷаласаи Шӯрои сарони давлатҳои аъзои Иттиҳоди Давлатҳои Мустақил ба Туркманистон сафар карданд.
Тавре АМИТ «Ховар» бо истинод ба Агентии давлатии иттилоотии Туркманистон (TDN) хабар медиҳад, дар Ашқобод мулоқоти Президенти Ҷумҳурии Тоҷикистон Эмомалӣ Раҳмон бо Президенти Туркманистон Гурбонгулӣ Бердимуҳамедов баргузор гардид.
Сарони давлатҳои дӯст бо табодули шодбошиҳои самимӣ аз имконияти муҳокимаи дурнамои ҳамкории дуҷониба изҳори қаноатмандӣ карда, пешрафти батадриҷи муколамаи Туркманистону Тоҷикистонро зикр намуданд.
Зимни мулоқот Президентҳо Эмомалӣ Раҳмон ва Гурбонгулӣ Бердимуҳамедов самтҳои афзалиятноки ҳамкории байнидавлатиро баррасӣ карданд. Ҳамзамон зарурати густариш додани шарикии тиҷоративу иқтисодӣ таъкид карда шуд.
Ҳамкорӣ дар бахши нақлиёт ва коммуникатсия, ки ба мавқеи мусоиди ҷуғрофӣ ва имкониятҳои транзитии дудавлат вобаста аст, мавзӯи алоҳидаи муҳокима буд. Ҷонибҳо инчунин ба тақвияти равобит дар соҳаи гуманитарӣ изҳори ҷонибдорӣ карданд.
Зимни мулоқот ҳамчунин доир ба як зумра масоили сиёсати минтақавӣ ва байналмилалии мавриди таваҷҷуҳи тарафайн мубодилаи афкор сурат гирифт. Дар ин замина Президенти Тоҷикистон Эмомалӣ Раҳмон таъкид намуданд, ки Тоҷикистон сиёсати хориҷӣ ва ташаббусҳои созандаи Туркманистонро, ки ба ҳадафҳои таъмини сулҳ, амният ва шукуфоӣ дар миқёси минтақавӣ ва ҷаҳонӣ ҷавобгӯ мебошанд, комилан дастгирӣ менамояд.
Дар фарҷоми мулоқот Президентҳо Эмомалӣ Раҳмон ва Гурбонгулӣ Бердимуҳамедов изҳори итминон намуданд, ки муносибатҳои дӯстона ва ҳамкории судманд бомаром рушд хоҳанд кард.
Сарвари давлат: «Ҳар як фарди ҷомеа вазифадор аст, ки моҳияту аҳаммияти Конститутсияро ба фарзандони худ ҳанӯз аз хурдсолӣ фаҳмонад»
Эмомалӣ Раҳмон: «Маҳз ба шарофати Конститутсия ва амалӣ шудани меъёрҳои он дар Тоҷикистон фазои орому осуда муҳайё гардид»
Президенти Тоҷикистон: «Конститутсия соҳибистиқлолии халқи моро ба расмият дароварда, асосҳои бунёдии ҷомеа ва давлати навини тоҷиконро муайян намуд»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
