Вазорати мудофиаи Тоҷикистон: маъракаи даъват ба сафи Қувваҳои Мусаллаҳ беш аз 65% иҷро гардид
ДУШАНБЕ, 24.10.2019 /АМИТ «Ховар»/. Имрӯзҳо маъракаи даъват ба сафи Қувваҳои Мусаллаҳи Ҷумҳурии Тоҷикистон идома дошта, дар ҷумҳурӣ беш аз 65%-ро ташкил медиҳад. Дар ин бора ба мухбири АМИТ «Ховар» сардори маркази матбуоти Вазорати мудофиаи Ҷумҳурии Тоҷикистон Ориф
Нозимиён хабар дод.
Ба иттилои манбаъ, давоми 20 рӯзи даъвати тирамоҳӣ Вилояти Мухтори Кӯҳистони Бадахшон аввалин шуда, маъракаро 110% ба иҷро расонид.
Имрӯзҳо теъдоди зиёди ҷавонон ба комиссариатҳои ҳарбии шаҳру ноҳияҳо омада, бо мақсади ба сафи Қувваҳои Мусаллаҳ шомил шудан ариза пешниҳод менамоянд.
«Дар ин давра комиссариатҳои ҳарбии шаҳру ноҳияҳои Шаҳристон, Исфара ва Кӯҳистони Мастчоҳи вилояти Суғд аз иҷрои пурраи маъракаи даъват гузориш доданд. Дар умум то имрӯз дар вилояти Суғд маъракаи даъвати шаҳрвандон ба хизмати ҳатмии ҳарбӣ қариб 75% иҷро гардидааст», — иброз дошт котиби матбуоти Вазорати мудофиаи Ҷумҳурии Тоҷикистон, подполковник Ориф Нозимиён.
Бояд гуфт, ки маъракаи даъват дар шаҳру ноҳияҳои вилояти Хатлон беш аз 50%, шаҳру ноҳияҳои тобеи ҷумҳурӣ 60% ва минтақаи Рашт 100% иҷро гардидааст.
«Даъвати шаҳрвандон ба хизмати ҳарбӣ дар шаҳри Душанбе бо маром идома дошта, дар 4 ноҳияи он иҷрои маърака ба 75% расидааст», — афзуд манбаъ.
Ёдовар мешавем, ки маъракаи даъвати ҷавонон ба сафи Қувваҳои Мусаллаҳи Ҷумҳурии Тоҷикистон дар мамлакат идома дорад.
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
Дар Бадахшон ҷаласаи сайёри Комиссияи байниидоравӣ оид ба муқовимат ба савдои одамон баргузор шуд
Дар вилояти Хатлон ҷаласаи Шурои амният баргузор шуд
Дар Душанбе иқдоми «Тасмаи бехатарӣ – муҳофизи шумо дар роҳ» гузаронида шуд
Имсол шаҳрвандони солҳои таваллуди 1999-2008 ба хизмати ҳарбӣ даъват карда мешаванд
ТАЪЛИМОТИ ҒАЙРИРАСМИИ ДИНӢ-ТАҲДИД БА ОЯНДАИ ҶОМЕА. Ва ё чаро ҳуқуқи кӯдакон ба таҳсили қонунӣ поймол мегардад?
