Дар шаҳри Турсунзода барои давраи зимистон 852 тонна ангишт ва 753 метри кубӣ ҳезум захира намудаанд

Ноябрь 8, 2019 10:39

ТУРСУНЗОДА, 08.11.2019 /АМИТ «Ховар»/. Мақомоти иҷроияи ҳокимияти давлатии шаҳри Турсунзода ҷиҳати иҷрои Қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2019-2020» нақшаи чорабиниҳо таҳия намуда, баҳри амалигардонии он тамоми имкониятҳоро сафарбар намудаанд.

Тибқи иттилои масъулин, дар шаҳри Турсунзода 24 сардхонаи доимӣ бо ғунҷоиши 5860 тонна маҳсулот мавҷуд аст,  ки  баҳри таъмин намудани аҳолӣ бо сабзавоти тару тоза фаъолият менамоянд.

Ҳамчунин барои қонеъ гардонидани талаботи мардум бо маводи сӯхт 28 адад нуқтаи фурӯши ангишт, аз ҷумла 10 нуқтаи фурӯши ангишти сайёд ва 32 нуқтаи фурӯши гази моеъ бо тартиби шабонарӯзӣ кор карда истодаанд.

То имрӯз дар   муассисаҳои табобатию пешгирикунанда, таълимӣ ва хонаҳои куҳансолону маъюбон 29,9 тонна орд, 5,75 тонна равған, 8,3 тонна биринҷ,  9 тонна шакар,  2030 қуттӣ консерваҳо, 67 тонна картошка, 52,4 тонна пиёз, 13 тонна сабзӣ,  3,7 тонна мева, 18,1 тонна дигар намуди маҳсулот, 852 тонна ангишт, 753 метри кубӣ ҳезум, 12,924 тонна сӯзишвории дизелӣ ва бензин захира шудааст. Ҳамзамон 35 адад генератор ва 8 адад буғхонаҳо дар ҳолати корӣ қарор дошта,  956 гармкунаки барқӣ ва 1360 адад печҳо айни замон истифода шуда истодаанд.

Доир ба ҷараёни маблағгузориҳо аз ҳисоби буҷети маҳаллӣ ҷиҳати омодагӣ барои фаъолият дар давраи тирамоҳу зимистони солҳои 2019-2020 дар соҳаи маориф 338 ҳазору 639 сомонӣ ба нақша гирифта шуда, то ин муддат 100 фоиз маблағгузорӣ шудааст.

Ноябрь 8, 2019 10:39

Хабарҳои дигари ин бахш

Пахтакорони ноҳияи Ҷаббор Расулов дар майдони зиёда аз 5 ҳазор гектар кишти чигит мегузаронанд
Вазири кишоварзии Тоҷикистон вобаста ба тақвияти корҳои саҳроӣ бо деҳқонони шаҳри Конибодом суҳбат намуд
Дар шаҳри Хоруғ корхонаи истеҳсоли ҳасиб бунёд мегардад
Дар Суғд барои дарёфти грантҳои раиси вилоят озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд