Байни Ҳукумати Ҷумҳурии Тоҷикистон ва Ҳукумати Ҷумҳурии Федеративии Германия Созишнома ба имзо расид

Ноябрь 22, 2019 13:00

ДУШАНБЕ, 22.11.2019 /АМИТ «Ховар»/. 21 ноябр дар Вазорати рушди иқтисод ва савдои Ҷумҳурии Тоҷикистон маросими баимзорасонии Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Федеративии Германия оид ба ҳамкории техникӣ барои солҳои 2018-2019 баргузор гардид.

Созишномаи мазкурро аз ҷониби Ҳукумати Ҷумҳурии Тоҷикистон Вазири рушди иқтисод ва савдои Ҷумҳурии Тоҷикистон ва аз ҷониби Ҷумҳурии Федеративии Германия Сафири навтаъйини Фавқулода ва Мухтори Ҷумҳурии Федеративии Германия ба имзо расониданд.

Тавре аз Вазорати рушди иқтисод ва савдо ба АМИТ «Ховар» хабар доданд, Неъматулло Ҳикматуллозода Сафири навтаъйини Фавқулода ва Мухтори Ҷумҳурии Федеративии Германия доктор Андреас Протманнро бо вазифаи пурмасъули сафирӣ муборакбод намуда, аз имкони дидору мулоқот ва баимзорасонии Созишнома изҳори хушнудӣ кард.

Тибқи иттилои манбаъ, Созишнома бо мақсади дар қаламрави Тоҷикистон амалигардонии лоиҳаҳои дорои моҳияти иҷтимоӣ аз ҳисоби маблағҳои грантии Ҳукумати Ҷумҳурии Федеративии Германия таҳия гардидааст. Ҳаҷми маблағи дар доираи Созишномаи мазкур ҷудошуда 4,0 млн. евроро ташкил дода, он барои татбиқи лоиҳаи «Беҳтар намудани шуғл ва даромаднокии муҳоҷирони меҳнатии тоҷик» равона карда мешавад.

Мақсади лоиҳаи мазкур- ин беҳтар намудани қобилият ва баланд бардоштани даромаднокии муҳоҷирони меҳнатӣ, инчунин фароҳам овардани шароит барои омӯзонидани онҳо бо дарназардошти талаботи бозори меҳнат ва тахассусноккунӣ дар минтақаҳои интихобшуда мебошад.

Оғози татбиқи лоиҳаи «Беҳтар намудани шуғл ва даромаднокии муҳоҷирони меҳнатӣ дар Тоҷикистон» пас аз ба тасвиб расидани Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Федеративии Германия оид ба ҳамкории техникӣ барои солҳои 2018-2019 амалӣ мегардад.

Ба иттилои манбаъ, муҳлати амали он 3 сол (2020-2022) дар назар дошта шудааст.

 

 

Ноябрь 22, 2019 13:00

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст