Ноҳияи Темурмалик дар 10 моҳ нақшаи андозро 104 фоиз таъмин кард

Ноябрь 21, 2019 11:34

ДУШАНБЕ, 21.11.2019 /АМИТ «Ховар»/. Дар 10 моҳи соли равон иҷрои нақшаи андоз дар ноҳияи Темурмалик 104 фоизро ташкил дода, дар ин давра ба буҷет 13 миллиону 104 ҳазору 959 сомонӣ маблағи андоз ворид гардидааст.

Дар ин бора аз мақомоти андози ноҳия ба мухбири АМИТ «Ховар» иттилоъ доданд.

Зикр гардид, ки ба ҷойи 12 миллиону 523 ҳазору 952 сомонӣ нақшаи пешбинигардида ба буҷети давлатӣ 13 миллиону 104 ҳазору 959 сомонӣ ворид гардидааст.

Дар ноҳияи Темурмалик бақияпулиҳои қарзи андоз низ вуҷуд доранд. Тибқи маълумоти дастрасгардида, ба ҳолати 1 январи соли  2019 бақияпулиҳо дар ин ноҳия 8 миллиону 971 ҳазору 800 сомониро ташкил медод, ки дар 10 моҳи соли ҷорӣ дар натиҷаи гузаронидани корҳои фаҳмондадиҳӣ 320 ҳазор сомонӣ кам гардидааст. Кормандони андози ноҳия дар ин давра тавонистанд, ки нисбат ба ҳамин давраи соли гузашта (2018) 1 миллиону 600 ҳазор сомонӣ қарзи андозро кам намоянд.

Ҳамчунин иттилоъ дода шуд, ки бештари қарздорон аз андоз дар ноҳияи Темурмалик соҳибмулкони кооперативҳои тиҷоратӣ буда, нисбат ба пардохти маблағи андоз беэътиноӣ зоҳир мекунанд.

Дар ҳамин давра аз тарафи кормандони андози ноҳия 83 қарор ба маблағи 3 миллиону 467 ҳазору 400 сомонӣ қабул гардидааст, ки аз он 2 миллиону 383 ҳазору 300 сомонӣ ба буҷет ворид гардидааст.

Феълан дар ноҳияи Темурмалик 372 нафар соҳибкорон тибқи патент, 100 нафар соҳибкорон тибқи шаҳодатнома ва 735 хоҷагии деҳқонии фаъолияткунанда дар қайди нозироти андози ноҳия мебошанд.

Ноябрь 21, 2019 11:34

Хабарҳои дигари ин бахш

Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст
Рақамикунонии соҳаи замин дар Тоҷикистон бо ҳайати Бонки рушди Осиё баррасӣ шуд