Тоҷикистон ва Беларус ҳамкории минтақавии тиҷоратиро ба роҳ мемонанд
ДУШАНБЕ, 30.11.2019 /АМИТ «Ховар»/. Раиси вилояти Суғди Тоҷикистон Раҷаббой Аҳмадзода зимни сафари корӣ ба Беларус як зумра созишномаҳои тиҷоратӣ ба имзо расонид. Дар ин бора АМИТ «Ховар» бо истинод ба хадамоти матбуоти Кумитаи иҷроияи ИДМ хабар медиҳад.
Зимни мулоқот бо роҳбарият ва соҳибкорони вилояти Могилёви Беларус шартномаҳо оид ба ҳамкорӣ дар самти истеҳсоли матоъҳои пахтагин ва маснуот, воридоти маҳсулоти кишоварзӣ ва пахта тамдид карда шуданд.
Ҷонибҳо ҳамчунин роҳҳои рушди сайёҳиро аз самти Беларус ба Тоҷикистон муҳокима карданд.
Зимни сафари корӣ Раҷаббой Аҳмадзода дар шуъбаи Палатаи савдо ва саноати Беларус дар Минск дар доираи форуми тиҷоратии «Вилоятҳои Минск ва Суғд. Ҳамкории минтақавӣ барои рушди устувор» созишномаи ҳамкорӣ ба имзо расонд, хабар медиҳад нашрияи «Минская Правда».
«Тоҷикистон барои интиқоли 200 сар чорвои калони шохдор аз Беларус созишнома ба имзо расонид. Имкони хариди маҳсулоти қаннодӣ ва интиқоли нахро қаблан мувофиқа карда будем. Муҳимтар аз ҳама, дар рафти вохӯриҳоямон бо иҷрокунандаи раиси кумитаи иҷроияи вилояти Минск, мо имкони таъсиси корхонаҳои муштараки истеҳсоли маснуоти нассоҷӣ, маҳсулоти консервӣ, дорусозӣ ва маҳсулоти кишоварзиро баррасӣ намудем», — гуфт Раҷаббой Аҳмадзода ба хабарнигорон.
Зимни гуфтушунидҳо ҷонибҳо дар соҳаҳои тиҷорат, мошинсозӣ, дорусозӣ, кишоварзӣ, истеҳсоли маҳсулоти гӯштӣ ва ширӣ, пахта ва дӯзандагӣ созишномаҳои мавҷударо тамдид карданд ва созишномаҳои нав ба имзо расониданд.
ДАР АКС: мулоқоти Раиси вилояти Суғди Тоҷикистон Раҷаббой Аҳмадзода дар Беларус
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
Татбиқи лоиҳаҳои сармоягузорӣ дар самти энергияи барқароршаванда байни Тоҷикистон ва Ҳиндустон баррасӣ шуд
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
