Вазирони фарҳанги Ҷумҳурии Тоҷикистон ва Ҷумҳурии Ӯзбекистон мулоқот намуданд
ДУШАНБЕ, 12.11.2019. /АМИТ «Ховар»/. 12 ноябр дар Китобхонаи миллии Тоҷикистон Вазири фарҳанги Ҷумҳурии Тоҷикистон Шамсиддин Орумбекзода бо Вазири фарҳанги Ҷумҳурии Ӯзбекистон Бахтиёр Сайфуллоев, Сафири Фавқулода ва Мухтори Ҷумҳурии Ӯзбекистон дар Ҷумҳурии Тоҷикистон Эргаш Шоисматов ва ҳайати расмӣ мулоқот намуд.
Мулоқоти ҳайати расмии ду давлат дар якҷоягӣ баргузор шуда, сипас бо иштироки доираи васеи рӯзноманигорон суҳбати «мизи мудаввар» доир гардид.
Дар оғози ҳамоиш Вазири фарҳанги Ҷумҳурии Тоҷикистон Шамсиддин Орумбекзода иброз намуд, ки «Рӯзҳои фарҳанг ҳар сол як бор доир карда мешаванд. Вале ташрифи бародарони ӯзбек ба Тоҷикистон ва ҳунармандони тоҷик ба Ӯзбекистон ҳар рӯз сурат гирифта истодааст, ки ин шаҳодат аз дӯстӣ ва сулҳу ваҳдат байни ду давлат мебошад».
Мавсуф иброз намуд, ки «муносибатҳои дӯстонаи мо таърихи чандинасра доранд ва дар саргаҳи ин робитаҳо фарзандони фарзонаи мардумони мо Мавлоно Абдураҳмони Ҷомӣ ва Мир Алишер Навоӣ қарор доранд».
Дар тақвияти суханони Вазири фарҳанги Ҷумҳурии Тоҷикистон Вазири фарҳанги Ҷумҳурии Ӯзбекистон Бахтиёр Сайфуллоев иброз намуд, ки «баргузории Рӯзҳои фарҳангӣ яке аз омилҳои асосии густариши ҳамкории ду давлат мебошад. Мо бори аввал нест, ки ба Тоҷикистон ташриф меорем. Ин давлатҳо бо санъат ва расму оин бо ҳам алоқамондии зич доранд. Сулҳу ваҳдат бевосита аз сиёсати пешгирифтаи президентони ҳарду давлат маншаъ мегирад. Боварӣ дорам, ки Рӯзҳои фарҳангӣ дар сатҳи шоиста баргузор мегарданд».
Зимни ҳамоиш рӯзноманигорон ба саволҳои хеш доир ба баргузорӣ ва аҳамияти Рӯзҳои фарҳангӣ ҷавобҳои мушаххас гирифтанд.
Баъд аз баргузории ҳамоиш ҳайати расмии Рӯзҳои фарҳангӣ аз Осорхонаи бостоншиносии Академияи илмҳои Тоҷикистон боздид ба амал меорад.
Тавре қаблан хабар дода будем, шоми имрӯз дар Театри давлатии академии опера ва балети ба номи Садриддин Айнӣ маросими ботантанаи ифтитоҳи Рӯзҳои фарҳанги Ҷумҳурии Ӯзбекистон дар Ҷумҳурии Тоҷикистон бо барномаи ҳунарии муштараки ҳунармандони тоҷику ӯзбек доир мегардад. Пеш аз оғози барнома мусаввараҳои рассомони Ӯзбекистон дар мавзӯи «Ӯзбекистони муосир» ба намоиш гузошта мешаванд.
Ёдовар мешавем, ки намоишгоҳ соати 18:00 оғоз мегардад.
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
Дар Институти масъалаҳои об, гидроэнергетика ва экология озмоишгоҳи муштараки муҳити экологӣ ба истифода дода шуд
Фестивали байналмилалии «Сӯзании Панҷакент» баргузор мешавад
«Харитаи хатсайри Шӯриши Восеъ» таҳия мегардад
«ФАРҲАНГИ СУМАНАКПАЗӢ». Номинатсияи миллии Ҷумҳурии Тоҷикистон ба Феҳристи мероси фарҳанги ғайримоддии ЮНЕСКО ворид гардид
РӮЗИ БАЙНАЛМИЛАЛИИ РАССОМОН. Ин ҳунар дар Тоҷикистон беш аз ҳазор сол пеш ба вуҷуд омадааст
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
Байни АМИТ «Ховар» ва Агентии иттилоотии «S.P.A»-и Арабистони Саудӣ Ёддошти тафоҳум оид ба ҳамкорӣ дар соҳаи мубодилаи иттилоот ба имзо расид
