«БРЕНДИ СОЛ-2019». «Бонки Эсхата» соҳиби ҷоизаи тиллоӣ шуд

Декабрь 25, 2019 08:52

ДУШАНБЕ, 25.12.2019. /АМИТ «Ховар»/. Ҷамъияти саҳомии кушодаи «Бонки Эсхата» дар Озмуни ҷумҳуриявии «Бренди сол 2019» соҳиби ҷоизаи тиллоӣ гардид. Ҷоиза дар маросими тантанавӣ ба директори филиали ҶСК «Бонки Эсхата» дар шаҳри Душанбе Фурқат Ҳасанов супорида шуд.

Тавре сардори Раёсати ҶСК «Бонки Эсхата» Акбар Назаров ба хабарнигори АМИТ «Ховар» иброз намуд: «Мояи хушнудӣ ва ифтихор аст, ки ҶСК «Бонки Эсхата» соли 2019-ро бо ҷоизаи тиллоии «Бренди сол 2019» ҷамъбаст менамояд. Мо шодем, ки комиссияи озмун моро лоиқи ҷоизаи тиллоӣ донист, ки аз идоракунии самараноки бренд дарак медиҳад. Чунин дастовард бори нахуст ба даст наомадааст, солҳои қаблӣ низ дар озмун ширкат варзида, соҳиби ҷоизаҳо гашта будем. Ҳамаи ин ба шарофати эътимоди мизоҷон имконпазир аст. Мо кӯшиш менамоем, ки минбаъд низ баҳри таъмини дастрасии хизматрасониӽои бонкии баландсифат ба аҳолӣ фаъолият намоем».

Ба андешаи номбурда, бренди муваффақ бояд доимо сатҳи баланди хизматрасониро, ки ба талаботи мизоҷон ҷавобгӯ аст, тасдиқ намояд. Иштирок дар озмуни мазкур обрӯи ширкатро баланд бардошта, маъруфияти бонкро миёни сокнинони кишвар зиёд ва ба болоравии рақобатпазирии маҳсулоти истеҳсолшаванда ё хизматрасонӣ дар бозор мусоидат менамояд.

Мавриди зикр аст, ки Озмуни ҷумҳуриявии «Бренди сол» таҳти шиори «Қуллаи шараф» аз ҷониби Вазорати рушди иқтисод ва савдои Ҷумҳурии Тоҷикистон дар якҷоягӣ бо бахши хусусӣ ва ташкилотҳои байналмилалӣ гузаронида мешавад.

 

Декабрь 25, 2019 08:52

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст