Дар Душанбе даври ниҳоии Фестивали бозиҳои миллии варзишӣ бо иштироки ҳазорон нафар доир шуд

Декабрь 14, 2019 13:47

ДУШАНБЕ, 14.12.2019. /АМИТ «Ховар»/. Имрӯз, 14 декабр дар шаҳри Душанбе даври ниҳоии Фестивали бозиҳои миллии варзишӣ бо иштироки ҳазорон нафар варзишгарону дӯстдорони ин навъи бозиҳо доир гардид.

Дар маросими баргузории Фестивали бозиҳои миллии варзишӣ намояндаи Дастгоҳи иҷроияи Президенти Ҷумҳурии Тоҷикистон Адҳам Маъмурзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода, варзишгарон аз минтақаҳои мамлакат иштирок намуданд.

Тавре қаблан хабар дода будем, Фестивали бозиҳои миллии варзишӣ аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар якҷоягӣ бо Федератсияи футболи Тоҷикистон бахшида ба Солҳои рушди деҳот, сайёҳӣ ва ҳунарҳои мардумӣ роҳандозӣ шудааст.

Фестивали мазкур аз  ду намуд: сабқат — рақобати даставӣ ва бозиҳои намоишӣ  иборат буда, ба гурӯҳи сабқат ва рақобати даставӣ  8 намуд бозӣ ва ба гурӯҳи намоишӣ  10 номгӯй бозӣ дохил мешаванд. Фестивали бозиҳои миллии варзишӣ аз 3 марҳила иборат буда, марҳилаи  якум дар сатҳи шаҳру ноҳияҳо 20 март оғоз шуда буд. Марҳилаи  дуюм 8 сентябр дар сатҳи минтақа ва вилоят баргузор гардид.

Тавре дар суҳбар сардори Раёсати тарбия ҷисмонӣ ва инкишофи варзиши Кумитаи кор бо ҷавонон ва варзиши назди Ҳукумати Ҷумҳурии Тоҷикистон Носир Бозоров иброз дошт, ки  даври ниҳоии Фестивали бозиҳои миллии варзишӣ муаррифи навъҳои варзиши миллӣ дониста мешавад. Дар доираи баргузори фестивал аз 8 намуди бозиҳои миллӣ варзишгарон ҳунарнамоӣ доранд…

(Гузориши муфассал аз ин Фестивал пешниҳод мешавад).

Декабрь 14, 2019 13:47

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад