Дар Кӯлоб сайёҳи хориҷиро наҷот доданд
КӮЛОБ, 04.12.2019 /АМИТ «Ховар»/. Дар Беморхонаи вилоятии шаҳри Кӯлоб як сайёҳи хориҷӣ аз марг раҳо ёфта, баъди амалиёти ҷарроҳӣ дар ҳолати хуб қарор дорад. Дар ин бора мудири шуъбаи ҷарроҳии асаби беморхонаи мазкур Шералӣ Холматов иттилоъ дод.
Ба иттилои мавсуф, 30 ноябр шаҳрванди Кореяи Ҷанубӣ Ви Неоҷунхуин ба беморхона интиқол ёфта, бистарӣ гардид. Сайёҳи хориҷӣ Ви Неоҷунхуин моҳи апрели соли равон бо дучарха ба саёҳат баромада, ҳангоми ҳаракат дар мавзеи Яхчипуни Ҷамоати деҳоти Даштиҷуми ноҳияи Ш.Шоҳин бинобар сабабе, ки дучархааш нуқсони техникӣ доштааст, афтида, аз қисмати косахонаи сар осеби вазнин дидааст.
Сайёҳи хориҷӣ нуҷумшинос ва физик буда, ҳангоми аз Вилояти Мухтори Кӯҳистони Бадахшон ба самти Душанбе ҳаракат кардан ба ин садама дучор шудааст.
Айни замон бемор дар ҳолати беҳушӣ (комаи 1) ва бо гузариш ба комаи 2 қарор дорад. Ҷарроҳӣ 4 соату 10 дақиқа давом карда, он аз тарафи мутахассисони маҳаллӣ — мудири шуъбаи ҷарроҳӣ Шералӣ Холматов, ҷарроҳи асаб Одилҷон Шерматов ва номзади илми тиб Самад Ҳусайнов анҷом дода шудааст.
Аз тарафи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Раёсати тандурустии минтақавӣ ва беморхонаи вилоятӣ бемор бо хӯрок ва дорувории ройгон таъмин карда мешавад. Айни замон бемор зери назорати қатъии духтурон қарор дорад.
ТУРИЗМ ДАР ШОҲРОҲИ АБРЕШИМ-2025. Дар намоишгоҳи байналмилалӣ имконоти сайёҳии Тоҷикистон муаррифӣ мегардад
Ҳайати Донишгоҳи байналмилалии сайёҳӣ ва соҳибкории Тоҷикистон дар намоишгоҳи сайёҳии Қатар иштирок намуд
Ба муносибати Рӯзи Президент дар Душанбе хатсайри сайёҳӣ ташкил карда шуд
Дар нуҳ моҳи соли 2025 зиёда аз 90 ҳазор нафар сайёҳ мавзеъҳои таърихию фарҳангии Тоҷикистонро тамошо карданд
Имсол дар Вилояти Мухтори Кӯҳистони Бадахшон даромад аз ҳисоби хизматрасонии сайёҳон 20,4 миллион сомониро ташкил дод
РУШДИ САЙЁҲӢ. Дар Суғд шумораи сайёҳони дохилӣ ва хориҷӣ афзоиш ёфта, инфрасохтори соҳа тақвият меёбад
Имкониятҳои сайёҳии Тоҷикистон дар намоишгоҳи байналмилалии «World Travel Market – 2025» муаррифӣ мегарданд
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
