«Ҷилваи рангҳои Тоҷикистон»-таҳти ин унвон дар Донишгоҳи славянии Россия ва Тоҷикистон намоиши театрии мусиқӣ гузаронида шуд
ДУШАНБЕ, 12.12.2019 /АМИТ «Ховар»/. «Ҷилваи рангҳои Тоҷикистон» — таҳти ин унвон имрӯз бо ташаббуси Донишгоҳи славянии Россия ва Тоҷикистон дар якҷоягӣ бо Мақомоти иҷроияи ҳокимияти давлатии шаҳри Душанбе бахшида ба Солҳои рушди деҳот, сайёҳӣ ва ҳунарҳои мардумӣ барномаи театрии мусиқӣ баргузор гардид. Ин ҳамоиши фарҳангӣ ба рушди ҳунарҳои мардумӣ дар вилояти Хатлон бахшида шуд.
Тавре аз Донишгоҳи мазкур ба АМИТ «Ховар» хабар доданд, дар ин боргоҳи дониш чунин силсилабарномаҳои театрии мусиқӣ пайваста баргузор мешаванд. Аз ин пеш чунин барнома ба рушди ҳунарҳои мардумӣ дар ВМКБ бахшида шуда буд. Дафъаи дигар донишҷӯён аз ин барномаи театрии мусиқӣ доир ба ҳунарҳои мардумӣ дар вилояти Суғд маълумот пайдо мекунанд.
Дар барномаи фарҳангӣ намояндагони мақомоти иҷроияи ҳокимияти давлатии шаҳри Душанбе, ректори Донишгоҳ Нуралӣ Салихов, ҳунарманди маъруфи тоҷик Аловуддин Абдуллоев, овозхони маҳбуб Фахриддини Малик, устодони донишгоҳ ва донишҷӯёни ҳамаи факултетҳо ширкат варзиданд.
Донишҷӯён бо либоси миллии «Чакан» суруд ва рақсҳои мансуб ба аҳолии вилояти Хатлонро иҷро карданд.
Сипас либосҳои қадимӣ ва муосири минтақаи Хатлон пешниҳоди иштирокдорон гардонида шуд.
Мақсад аз баргузории чунин ҳамоишҳои фарҳангӣ тарғиби либосҳои миллӣ ва арҷ гузоштан ба таъриху фарҳанги халқи тоҷик мебошад.
«TAJIKISTAN, UNA CULTURA DA SCOPRIRE». Нашрияи итолиёвӣ доир ба мероси таърихию фарҳангии тоҷикон мақола чоп намуд
Ҷашнвораи ҳаштуми байналмилалии театрҳои лӯхтак «Чодари хаёл» оғоз гардид
Пагоҳ Намоишгоҳи чордаҳуми байналмилалии «Китоби Душанбе» оғоз мегардад
Дар Тоҷикистон филми бо истифодаи зеҳни сунъӣ офаридаи коргардони тоҷик соҳиби ҷоизаи миллӣ шуд
«ТОҶИКИСТОН—КИШВАРИ ЁДГОРИҲОИ НОДИР». Ёдгориҳои таърихӣ ва мероси фарҳангии тоҷикон дар шаҳри Рим муаррифӣ гардиданд
Шералӣ Хоҷазода: «Намоиши осори бостонии тоҷикон дар Осорхонаи тамаддунҳои Рим эътирофи миллат дар арсаи байналмилалӣ аст»
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак оғоз мегардад
«ТОҶИКИСТОН-КИШВАРИ ЁДГОРИҲОИ НОДИР». Дар Рим ёдгориҳои нодири таърихию фарҳангии Тоҷикистон ба маърази тамошо гузошта мешаванд
«Шоҳҷоиза»-и сеюмин Синамоҷоизаи миллии «Тоҷи Сомон» ба филми «Дурахши ахтарон: Ҷомӣ ва Навоӣ» тақдим гардид
Ҷаласаи Шурои директорони киностудияҳои кишварҳои аъзои ИДМ доир шуд
Имрӯз даври чоруми Озмуни ҷумҳуриявии «Илм — фурӯғи маърифат» оғоз мегардад
Радиои «Ҳисори Шодмон» расман ба фаъолият шуруъ намуд
