Корманди «Тоҷикстандарт» «Метрологи хизматнишондодаи Кумитаи «Ҳамкории АвруОсиёгии муассисаҳои давлатии метрологӣ» гардид

ДУШАНБЕ, 31.12.2019. /АМИТ «Ховар»/. Сардори Раёсати таъминоти метрологии воситаҳои ченаки Агентии «Тоҷикстандарт» Ҷӯрахон Раҳимзода  соли 2019 бо унвони ифтихории «Метрологи хизматнишондодаи Кумитаи «Ҳамкории АвруОсиёгии муассисаҳои давлатии метрологӣ» (КООМЕТ)  ва нишони сарисинагӣ сарфароз гардид.

Мавриди зикр аст, ки бо ин унвон мукофотонидани мутахассиси бахши метрологии Тоҷикистон дар радифи мутахассисони кишварҳои хориҷӣ дар ҷаласаи  29-ми КООМЕТ, ки  аз 2 то 4 апрел дар шаҳри Дрездени Германия доир гардид, дар таърихи ҳамкории Тоҷикистон бо КООМЕТ бори  аввал буда, мояи ифтихор аст.

Зеро дар байни 21  пажӯҳишгоҳи  миллии  метрологӣ ҳамагӣ  5 нафар ба ин унвони ифтихорӣ сазовор гардиданд.