«Шӯриши Восеъ». Кумитаи рушди сайёҳӣ хатсайри нав ташкил намуд

Декабрь 5, 2019 17:00

ДУШАНБЕ, 05.12.2019. /АМИТ «Ховар»/. Дар Ҷумҳурии Тоҷикистон бо ташаббуси Кумитаи рушди сайёҳӣ таҳти унвони «Шӯриши Восеъ» хатсайри нави сайёҳӣ ташкил карда шуд.

Дар Кумитаи рушди сайёҳӣ ба мухбири АМИТ «Ховар» иттилоъ доданд, ки «дар партави дастгириву ташаббусҳои созандаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва чораандешиҳои пайваста ҷиҳати фароҳам овардани шароити арзанда ва инфрасохтори сайёҳии ҷавобгӯ ба талаботи меъёрҳои муосир, бо мақсади ҷалби бештари сайёҳон ба мавзеъҳои сайёҳии мамлакат хатсайрҳои сайёҳии нав таъсис ёфтанд. Хатсайри сайёҳии «Шӯриши Восеъ» натиҷаи ҳамкории зичи Кумитаи рушди сайёҳӣ бо Осорхонаи қаҳрамони халқи тоҷик Восеъ дар ноҳияи Ховалинг буда, ба рушди сайёҳӣ дар ин минтақа равона шудааст».

Хатсайри сайёҳии «Шӯриши Восеъ» 2 шабу 3 рӯзро дар бар гирифта, шаҳрвандон метавонанд ҳам гурӯҳӣ ва ҳам фардӣ саёҳат намоянд.

Тибқи хатсайр сайёҳон аз Душанбе тавассути ноҳияи Данғара аз мавзеъҳои қалъаи «Мири Балҷувон», бошишгоҳи одамони асри санг дар деҳаи Кулдара, маъбади Буддои деҳаи  Чепол (Чепи вол), «Чил чанор», «Чашмаи Қазон», мақбараи «Хоҷа Аюби Ансорӣ», осорхонаи марказии ноҳияи Ховалинг, осорхона ва зодгоҳи Восеи қаҳрамон дар деҳаи Дараи Мухтор, Мамнуъгоҳи таърихию фарҳангии Султон Увайси Қаранӣ дидан менамоянд.

«Омода ва роҳандозии хатсайри «Шӯриши Восеъ» барои шиносоӣ бо ҳаёт ва зиндагии мардуми ноҳияҳои Ховалингу Балҷувон, баланд бардоштани ҳисси ватандӯстӣ ва эҳтиром аз миллат ва фарҳангу тамаддуни он, шиносоӣ аз дастовардҳои замони истиқлолият дар ин ноҳияҳо, инчунин боз ҳам устувор гардидани ваҳдати миллӣ, ҷалби бештари сайёҳони дохилию хориҷӣ ба диёри зебоманзари Ховалингу Балҷувон мусоидат хоҳад намуд», — тазаккур доданд дар Кумитаи сайёҳӣ.

Декабрь 5, 2019 17:00

Хабарҳои дигари ин бахш

Барои мукофотонидани ғолибони Озмуни ҷумҳуриявии «Шоҳномахонӣ» 2 миллиону 660 ҳазор сомонӣ ҷудо карда мешавад
ТУҲФАИ АРЗАНДАИ ПРЕЗИДЕНТИ ТОҶИКИСТОН. Ба беш аз 57 ҳазор оилаи шаҳри Ваҳдат «Шоҳнома» тақдим мегардад
ИЛМ ДАР БАЛАНДИИ ЗИЁДА АЗ 5000 МЕТР. Дар калонтарин пиряхи Тоҷикистон — Ванҷях таҳқиқоти илмӣ гузаронида шуд
Дар даромадгоҳи дараи Камароб Маркази хизматрасонии сайёҳӣ ба истифода дода шуд
Академияи миллии илмҳои Тоҷикистон бо Донишгоҳи давлатии омӯзгории Шинҷони Чин ҳамкориро тақвият медиҳад
Ёдгориҳои нодири тамаддуни тоҷикон дар Осорхонаи миллии Чин ба намоиш гузошта шуданд
Аз ҷониби нашриёти «Адиб» чор китоб ба нашр расид
Туҳфаи арзишманди Пешвои миллат — китоби «Шоҳнома» ба ноҳияи Файзобод расид
Байни консерваторияҳои Тоҷикистон ва Чин Ёддошти тафоҳум ба имзо расид
Намояндагони Шурои байналмилалии ҳунармандӣ бо намунаҳои сӯзании Панҷакент шинос шуданд
Сокинони шаҳри Роғун соҳиби туҳфаи Президенти Тоҷикистон — «Шоҳнома»-и Абулқосим Фирдавсӣ гардиданд
«АНДАЛЕБ-2025». Дар Панҷакент даври шаҳрии фестивал- озмуни ҷумҳуриявии телевизионӣ доир шуд