Театри лӯхтаки шаҳри Душанбе намоишҳои солинавӣ манзур менамояд
ДУШАНБЕ, 30.12.2019 /АМИТ «Ховар»/. Аҳли ҳунари Театри давлатии ҷумҳуриявии «Лӯхтак»-и шаҳри Душанбе барои таҷлили Соли нави мелодӣ барои тарбиятгирандагони мактабҳои таҳсилоти умумӣ ва кӯдакистонҳои шаҳри Душанбе боз ду намоиши солинавӣ рӯи саҳна овардаанд.
Яке бо номи «Афсонаи кӯҳӣ» буда, муаллифаш Маҳинбону Гасанова, таҳиягар Изатулло Сафарзода мебошанд ва ба забони тоҷикист. Дигаре «Сурудхонӣ атрофи арчаи солинавӣ» ном дошта, муаллиф ва таҳиягари он Муҳаммад Зарифӣ мебошад ва он бо забони русӣ манзур мегардад. Дар ин бора аз маъмурияти Театри давлатии ҷумҳуриявии «Лӯхтак»-и шаҳри Душанбе ба АМИТ «Ховар» хабар доданд.
Мавриди зикр аст, ки 29 декабр дар Театри давлатии ҷумҳуриявии «Лӯхтак»-и шаҳри Душанбе намоиши нави солинавии «Офтобак ва одамчаҳои барфӣ» манзури тамошобинони хурдсол гардид. Муаллифи намоиш Александр Веселов ва таҳиягари он коргардони ҷавон Мунира Зоирова мебошанд.
Бояд гуфт, ки имсол намоишҳои солинавиро ду нафар мутахассиси ҷавони соҳаи театр — Мунира Зоирова ва Муҳаммад Зарифӣ таҳия ва рӯйӣ саҳна овардаанд. Номбурдагон хатмкунандагони Донишкадаи санъати театрии Новосибирски Федератсияи Россия аз рӯи “Барномаи рушди санъати театрӣ” дар соли 2018 мебошанд, ки баъди хатми таҳсил дар театри мазкур фаъолият доранд.
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
ЗАБОНИ МОДАРИИ МО—ЗАБОНИ ШИРИНУ ШЕВО ВА ШОИРОНАИ ТОҶИКӢ! Иқтибосҳо аз суханрониҳои Президенти Тоҷикистон Эмомалӣ Раҳмон
«ҶАҲОНИ РАССОМ». Дар Осорхонаи миллии Тоҷикистон намоиши асарҳои Дӯст Азизов ташкил гардид
Дар Душанбе Рӯзҳои синамои Қирғизистон доир мегарданд
Дар Осорхонаи миллии Тоҷикистон барои омӯзгорон сайри идонаи осорхонавӣ ташкил гардид
«НАМАКДОНИ МИЛЛАТ КАФИ ДАСТИ ӮСТ!». Таҳти чунин унвон китоби Давлат Сафар рӯнамоӣ гардид
ЗАБОН ВА 35 СОЛИ ИСТИҚЛОЛ. Бахшида ба Рӯзи забони давлатӣ конференсияи илмӣ-амалии ҷумҳуриявӣ доир шуд
Барои Сарвазири Тотористон ва ҳамроҳонаш сайри осорхонавӣ ташкил гардид
Вазирони корҳои дохилии ИДМ аз Осорхонаи миллии Тоҷикистон боздид намуданд
Ҳайати Донишкадаи давлатии фарҳанг ва санъати Тоҷикистон дар Фестивали байналмилалии донишҷӯёни ИДМ иштирок намуд
