Ҷамшед Ҷумъахонзода: «Тоҷикистон барои иштирок дар «EXPO -2020 DUBAI» омодагии ҷиддӣ мебинад»
ДУШАНБЕ, 29.01.2020 /АМИТ «Ховар»/. Ҷумҳурии Тоҷикистон дар Намоишгоҳи байналмилалии «EXPO -2020», ки моҳи октябри соли равон дар шаҳри Дубайи Аморати Муттаҳидаи Араб доир мегардад, иштирок намуда, маҳсулоти тавлидотии худро, ки аз меваҳои хушк, тару тоза, коркардшуда, асал, обҳои ташнагишикан, маҳсулоти қаннодӣ, саноатӣ, ҳунарҳои мардумӣ, захираҳои гидроэнергетика, сайёҳӣ, рушди шаҳрдорӣ иборат аст, ба намоиш мегузорад. Ҳамзамон дар асоси супориши Сарвари давлат ҳайвоноти нодири табиати Тоҷикистон, аз қабили бабри барфӣ ва гӯсфанди Марко Поло муаррифӣ мегарданд.
Раиси Палатаи савдо ва саноати Ҷумҳурии Тоҷикистон Ҷамшед Ҷумъахонзода дар нишасти матбуотӣ ба намояндагони расонаҳои хабарӣ 29 январ дар Душанбе гуфт, ки Тоҷикистон барои иштирок дар Намоишгоҳи байналмилалии «EXPO -2020 DUBAI» омодагии ҷиддӣ мебинад.
Мавзӯи гӯшаи Ҷумҳурии Тоҷикистон дар Намоишгоҳи байналмилалии «EXPO -2020 DUBAI» «Об барои рушди устувор» мебошад. Ҷамшед Ҷумъахонзода зикр кард, ки Палатаи савдо ва саноати Ҷумҳурии Тоҷикистон тибқи Қарори Ҳукумати ҷумҳурӣ оператори миллӣ ва раиси Палата комиссари павилйони Тоҷикистон дар Намоишгоҳи байналмилалии «EXPO -2020 DUBAI» муайян гардидаанд.
Барои иштирок дар ин намоишгоҳ аз ҷониби Ҳукумати ҷумҳурӣ нақшаи чорабиниҳо таҳия гардида, таҳти раёсати муовини аввали Сарвазири мамлакат Давлаталӣ Саид Кумитаи тадорукот таъсис дода шудааст, ки дар он масъалаҳои марбут ба омодагӣ ва иштироки мамлакатамон дар ин намоишгоҳ дар ҷаласаҳои Кумита мавриди баррасӣ қарор мегиранд. Зикр шуд, ки мавзӯи гӯшаи Ҷумҳурии Тоҷикистон дар Намоишгоҳи байналмилалии «EXPO -2020 DUBAI» «Об барои рушди устувор» мебошад. «Об барои рушди устувор» ном гирифтани гӯшаи Тоҷикистон дар Намоишгоҳи байналмилалии «EXPO -2020 DUBAI» ба иқдомҳои Ҳукумати Ҷумҳурии Тоҷикистон, хосса Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон марбут аст.
Омодагии Ҷумҳурии Тоҷикистон дар Намоишгоҳи байналмилалии «EXPO -2020 DUBAI» дар ҳолест, ки соли 2019 давлатамон дар Намоишгоҳи байналмилалии боғдории «EXPO -2019», ки дар Пекин доир гардида буд, иштирок намуда, соҳиби ҷоизаи тиллоии Намоишгоҳи байналмилалии боғдории «EXPO -2019» дар Пекин гардид.
Соли 2025 аз ҳисоби андозҳо ва пардохтҳои дохилӣ ба буҷети давлатӣ 26,5 миллиард сомонӣ маблағ ворид гардид
Президенти Тоҷикистон Эмомалӣ Раҳмон: «Масъалаи захираи дусолаи маводи хӯрокворӣ дар ҳар оила нисбат ба ҳарвақта мубрамтар мегардад»
Дар Душанбе Конференсияи I байналмилалӣ оид ба масъалаҳои молия ва баҳисобгирӣ баргузор шуд
Соли 2025 табиати афсонавӣ ва чашмаҳои шифобахши Бадахшонро беш аз 51 ҳазор сайёҳ тамошо намуданд
Ҳайати Тоҷикистон дар Саммити зеҳни сунъӣ дар Деҳлии Нав иштирок менамояд
Агентии «Тоҷикстандарт»: «Ҳангоми хариди моеи зиддисардӣ — антифриз аз фурӯшанда сертификати мутобиқат талаб намоед!»
Ҳаҷми истеҳсоли маҳсулоти кишоварзии ноҳияи Мастчоҳ соли 2025 ба беш аз 1,6 миллиард сомонӣ расид
Бахшида ба Рӯзи таъсиси мақомоти гумрук дар Душанбе маҷлиси тантанавӣ баргузор гардид
Ширкати «ACWA Power» дар доираи татбиқи тарҳи энергетикӣ дар Тоҷикистон неругоҳи офтобӣ месозад
22 ЯНВАР — РӮЗИ КОРМАНДОНИ МАҚОМОТИ ГУМРУК. Таъмини амнияти иқтисодии Тоҷикистон рисолати асосии ин мақомот аст
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
