ДАРАХТ БИНШОН! Дар хоҷагии «Абдукарим»-и шаҳри Левакант 58 ҳазор бех ниҳолҳои мевадиҳанда парвариш мешаванд

Январь 6, 2020 10:00

ДУШАНБЕ, 02.01.2020 /АМИТ «Ховар»/. Раиси вилояти Хатлон Қурбон Ҳакимзода зимни сафари корӣ дар шаҳри Левакант аз хоҷагии ниҳолпарварии «Абдукарим» дидан намуд. Дар ин бора аз мақомоти иҷроияи ҳокимияти давлатии вилояти Хатлон ба АМИТ «Ховар» хабар доданд.

Ба иттилои манбаъ, майдони умумии хоҷагии мазкур 2,04 гектар буда, дар он 58 ҳазор бех ниҳоли мевадиҳанда парвариш карда мешаванд. Роҳбари хоҷагии мазкур Хуҷамурод Шомуродов ба раиси вилоят маълумот дод, ки дар ин мавзеъ аз ҷумла 10 ҳазор бех гелос, 15 ҳазор бех олу, 8 ҳазор бех нок, 5 ҳазор бех чормағз, 12 ҳазор бех шафтолу ва 30 ҳазор бех арчаи ҳамешасабз парвариш карда мешаванд.

Дар назди хоҷагии ниҳолпарварии «Абдукарим» инчунин як адад гармхонаи лимӯпарварӣ ва як адад гармхонаи гулпарварӣ амал мекунанд, ки дар онҳо 30 ҳазор бех гули садбарг, 20 ҳазор бех гули карамшакл ва ҳазор бех палма парвариш мешаванд.

Раиси вилоят Қурбон Ҳакимзода бо изҳори миннатдорӣ ба роҳбарону кормандони хоҷагии ниҳолпарварии «Абдукарим» зикр намуд, ки масъулони корҳои ободонию сабзазоркунӣ дар шаҳри Левакант метавонанд гулу буттаҳо ва ниҳолҳоро аз хоҷагии мазкур дастрас намоянд.

Тавре раиси шаҳри Левакант Заррина Давлатзода иттилоъ дод, айни ҳол дар ҳудуди хоҷагиҳои деҳқонӣ ва ҷамъиятии шаҳр 200 гектар боғҳои мевадиҳанда мавҷуданд, ки 60,7 гектари онро зардолу, 30 гектарашро олу, 24,5 гектарашро шафтолу, 21,9 гектарашро бодом, 18 гектарашро анор, 8 гектарашро хурмо, 7 гектарашро чормағз, 6 гектарашро себ ва 4,4 гектарашро анҷир ташкил медиҳад.

То имрӯз аз майдони 200 гектар боғҳои мевадиҳанда тибқи дурнамо 342 тонна (100,3%) мевагӣ ҷамъоварӣ шудааст, ки назар ба соли гузашта 109 тонна афзун мебошад.

Зикр гардид, ки соли равон дар мавсими ниҳолшинонӣ аз тарафи хоҷагиҳои ниҳолпарварии шаҳри Левакант ба миқдори 11 ҳазор бех ниҳоли мевадиҳандаву ороишӣ ба фурӯш бароварда шудаанд.

Раиси вилоят Қурбон Ҳакимзода ба роҳбарият, масъулони соҳаи кишоварзӣ ва сабзазоркунии шаҳри Левакант дастур дод, ки ба корҳои ободонӣ дар шаҳр вусъат бахшида, ба масъалаи шинонидани гулҳо, хуррамгардонии кӯчаву хиёбонҳо, яхобмонӣ ва барқароркунии боғҳо таваҷҷуҳи ҷиддӣ зоҳир намоянд.

Январь 6, 2020 10:00

Хабарҳои дигари ин бахш

Тоҷикистон ва Барномаи рушди СММ ҳамкориро дар самти муқовимат ба коррупсия густариш медиҳанд
Ҳоким Холиқзода бо Вазири меҳнат ва таъминоти иҷтимоии Ҷумҳурии Туркия Ведат Ишикхан мулоқот намуд
Ангури Тоҷикистон дар вилояти Пензаи Русия талабгорони зиёд пайдо намуд
Масъалаи иштироки Тоҷикистон дар ташаббусҳои марбут ба иқлим ва саломатӣ баррасӣ шуд
Ба кормандони соҳаи барқи пойтахт 5 мошини барқӣ тақдим карда шуд
Гӯсфанди хоҷагии «Сим-Сим» бо вазни қариб 190 кило сазовори «Шоҳҷоиза»-и Фестивал-намоиши «Гӯсфанди зоти ҳисорӣ» гардид
Кишоварзони вилояти Суғд беш аз 131 ҳазор тонна пахта ҷамъоварӣ менамоянд
Аз 1 октябр молу воситаҳои нақлиёти воридотӣ ва содиротӣ тавассути низоми «АСИКУДА-и ҷаҳонӣ» ба расмият дароварда мешаванд
Дар Алмато беш аз 900 тонна маҳсулоти кишоварзӣ аз вилояти Хатлон ба намоиш гузошта шуд
Сокини ноҳияи Ҷайҳун Каримҷон Бутаев 50 сол боз ба анорпарварӣ машғул аст
Дар Шуғнон корхонаи нави истеҳсоли асфалт ба фаъолият оғоз кард
Нақши Тоҷикистон дар таҳкими амнияти ядроӣ ва радиатсионӣ баланд арзёбӣ гардид