ХУШКМЕВАИ ТОҶИКИСТОН – ДАР БОЗОРИ АМРИКО! Онро корхонаи консервабарории «Субҳи Ватан» содирот менамояд
ДУШАНБЕ, 13.01.2020/АМИТ «Ховар»/. Корхонаи консервабарории «Субҳи Ватан»-и шаҳри Исфара тасмим гирифтааст, ки дар соли 2020 намудҳои гуногуни хушкмева, афшураҳои зардолу, олу, шафтолу ва помидорро, ки бо сифати баланд бастубанд шудаанд, дар асоси шартномаҳои ҳамкорӣ ба Иёлоти Муттаҳидаи Амрико содирот намояд. Маҳсулоти ин ширкати Тоҷикистонро инчунин дар соли 2020 харидорон аз кишварҳои Туркия, Литва ва Қазоқистон дархост кардаанд.
Корхонаи консервабарории «Субҳи Ватан», ки соли 2013 таъсис дода шудааст, узви Палатаи савдо ва саноати Ҷумҳурии Тоҷикистон мебошад. Корхонаи консервабарории «Субҳи Ватан» маҳсулоти худро бо бренди «Ширин» истеҳсол менамояд.
Мавриди зикр аст, ки ҶДММ «Субҳи Ватан» маҳсулоти худро асосан то соли 2019 ба Россия ва Қазоқистон содирот менамуд. Дар асоси дастгириҳои Асосгузори сулҳу ваҳдати миллӣ –Пешвои миллат Президенти Ҷумҳурии Тоҷикистон муҳтарам Эмомалӣ Раҳмон барои соҳибкорони ватанӣ ва содироткунандагон, роҳбарияти ҶДММ «Субҳи Ватан» фаъолияташро тақвият дода, дар соли 2019 намудҳои гуногуни себи хушккардашударо ба Олмон содирот намуд, инчунин бори аввал маҳсулотҳои ин корхона ба монанди анзур, ғураоб ва барги ток ба Иёлоти Муттаҳидаи Амрико низ содирот карда шуд. Соли гузашта аз ҷониби ин ширкат ба давлатҳои Иттиҳоди Аврупо — 60 тонна ва Иёлоти Муттаҳидаи Амрико — 22 тонна маҳсулот содирот гардидааст.
Роҳбарияти корхонаи «Субҳи Ватан» тасмим дорад, ки дар соли 2020 иқтидори истеҳсолии корхонаро дар як сол ба панҷ миллион қуттии шартӣ расонад.
Аз Палатаи савдо ва саноати Ҷумҳурии Тоҷикистон ба АМИТ «Ховар» хабар доданд, ки барои амалӣ намудани дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар Паёмашон ба Маҷлиси Олӣ оид ба афзун гардонидани содироти молу маҳсулоти кишоварзии аз ҷиҳати экологӣ тоза зикр гардида буд, тадбирҳои судманд андешида мешаванд. Дар ин росто, дар асоси дастгириҳои Ҳукумати мамлакат ҷиҳати афзун намудани содироти молу маҳсулот аз ҷониби Мақомоти иҷроияи ҳокимияти давлатии вилояти Суғд ва Палатаи савдо ва саноати Ҷумҳурии Тоҷикистон бо соҳибкорону корхонаҳои истеҳсолӣ бо мақсади рушди содирот ва бемонеа роҳ ёфтан ба бозори ҷаҳонӣ таваҷҷӯҳи махсус дода мешавад.
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
