Изҳороти маркази матбуотии ҚС КДАМ ҶТ

Январь 11, 2020 19:30

ДУШАНБЕ, 11.01.2020. /АМИТ “Ховар”/. Маркази матбуотии ҚС КДАМ ҶТ хабар медиҳад, ки ду рӯзи охир бинобар аз ҷониби шаҳрвандони алоҳидаи қирғиз содир намудани ҳаракатҳои пайдарҳами ғайриқонунӣ вазъият дар сарҳади ҶҚ мураккаб арзёбӣ мешавад.  Чунончи, рӯзи 10-уми январи соли 2020, соати 17:15 дақиқа, сокини маҳаллаи Коктоши ҷамоати деҳоти Оқсойи ноҳияи Бодканди ҶҚНарзиев Сайдалӣ аз боми манзили истиқоматии худ   санг партофта, тирезаи нонвойхонаи маҳаллаи Сомониёнро шикастааст.

Соатҳои 00:30 то 00:50 дақиқаи шаби 11-уми январи соли 2020 сокинони маҳаллаи Коктоши ҷамоати деҳоти Оқсойи н.Боткени ҶҚ, бо мақсади тарсонидани сокинони маҳаллаи Сомониёни ш.Исфара, аз силоҳи шикорӣ қариб 15 маротиба ба ҳаво тир холӣ карданд. Ҳамзамон, соати 01:50 дақиқа гурӯҳи сокинони маҳаллаи Коктоши ҶҚ манзили истиқоматии сокини маҳаллаи Сомониён Насриддинов Давлатбой Ҳасанбоевичро сангборон намуда, аз яроқи шикорӣ ба дарвозаи ӯ тир холӣ карданд. Бо дахолати кормандони мақомоти корҳои дохилӣ ва сарҳадбонони ҳарду ҷониб, амалҳои иғвогаронаи сокинони маҳаллаи Коктош сари вақт қатъ карда шуд. Ҷониби қирғиз ба ин нигоҳ накарда  аз соати 02:20 дақиқа аз силоҳи шикорӣ 7 маротиба ва аз соати 05:00 то соати 06:30 дақиқаи 11-уми январи соли 2020 аз силоҳи оташфишони автомати Калашников қариб 9 маротиба ба ҳаво тир холӣ карданд.

11.01.2020 сол соати 14:00 дақиқа сокини деҳаи Муъминободи ҷамоати деҳоти Чоркўҳи шаҳри Исфара Аҷобиддинзода Фарҳодҷон соли таваллудаш 1992, бо автомашинаи тамғаи “Портер” рақами қайди давлатиаш 2583 ДО 02 аз байни деҳаи Коктоши ҷамоти деҳоти Оқсой ЧК ба самти деҳаи Сомониёни ҷамоати деҳоти Чоркўҳи ЧТ харакат мекунад, ки дар он ҷо низомиён ва шаҳрвандони Ҷумҳурии Қирғизистон ҷамъ шуда буданд. Сокинони деҳаи Коктош Исмаилов Ҳадятулло Султонович, соли таваллудаш 1997, Бердиев Зандӣ Хуморович, соли таваллудаш 1966 ва Иломов Ҳасан Ҳанибекович, соли таваллудаш 1987 ва 14-15 нафари дигар дар якҷоягӣ бо  сарҳадбонон ва милитсияи қирғиз автомашинаи ўро иҳота намуда, бо санг шишаи пеш ва дари тарафи ронандаро  шикаста, Аҷобиддинзода Фарҳодҷонро  сангборон  кардаанд. Дар асари ин сангпартоӣ ў  зарари вазнини ҷисмонӣ бардошта, дар беморхона бистарӣ шудааст. Соати 15:10  дақиқа, гурӯҳи мазкур микроавтобуси тамғаи “Спринтер”, рақами қайди давлатиаш 8500 ТТ 02-ро, ки ба сокини ҷамоати деҳоти Чоркӯҳ Юсупов Яъкуб тааллуқ дорад, сангборон намуданд.

Боиси нигаронӣ аст, ки вақтҳои охир шаҳрвандони алоҳидаи Қирғизистон, бо истифодаи ярок ва ҳаракатҳои ғайриқонунӣ ба ҳаёт ва саломатии шаҳрвандони Ҷумҳурии Тоҷикистон хатари ҷиддӣ эҷод карда истодаанд.

Айни замон тирпарронӣ қатъ гардида, вазъият дар минтақа таҳти назорат қарор дорад.

Маркази матбуоти Қӯшунҳои сарҳадии  КДАМ ҶТ

Январь 11, 2020 19:30

Хабарҳои дигари ин бахш

Дар Душанбе Маркази тамоси электронӣ оид ба қабули муроҷиатҳо ташкил карда шуд
АМАЛИЁТИ «БАЧАҲО». Бо мақсади пешгирии ҳодисаҳои роҳу нақлиёт бо иштироки кӯдакону наврасон гузаронида мешавад
Сатҳи забондонии кормандони милитсияи Хатлон санҷида мешавад
Дар шаш моҳ дар Тоҷикистон 495 ҳолати машғул шудан ба ҷодугарӣ ва фолбинӣ ошкор карда шуд
«МАДАНИЯТИ ШАҲРДОРӢ». Дар Хатлон бо мақсади таҳким бахшидани ҳамкорӣ бо аҳолӣ амалиёт гузаронида шуд
Дар Душанбе татбиқи марҳилаи дуюми лоиҳаи «Шаҳри бехатар» баррасӣ гардид
Дар Хатлон масъалаҳои ҳифзи тартиботи ҷамъиятӣ баррасӣ карда шуданд
Дар Вазорати мудофиаи Тоҷикистон тарҳрезии либоси хизматчиёни ҳарбӣ дар шакли ягонаи миллӣ баррасӣ гардид
Сатҳи забондонии кормандони Вазорати корҳои дохилӣ санҷида мешавад
ДАСТОВАРДИ ДАВРОНИ СОҲИБИСТИҚЛОЛӢ. Ба таъсиси Кумитаи ҳолатҳои фавқулода ва мудофиаи граждании Тоҷикистон 31 сол пур шуд
Ҳамкорӣ дар самти пешгирии ҷинояткорӣ байни милитсияи Душанбе ва Тошканд тақвият меёбад
Дар Хоруғ машқи омодабошии мудофиаи ҳудудӣ ва захираҳои сафарбарӣ баргузор шуд